బాహుబలి -2 రోజే విడుదల కానున్న సూపర్ స్టార్ చిత్రం!

యంగ్ రెబల్ స్టార్, సూపర్ స్టార్ మధ్య పోటీ తప్పేలా లేదు. ప్రభాస్, మహేష్ బాబు ఇద్దరు ఒకే రోజు థియేటర్లలోకి వస్తున్నారు. దర్శకధీరుడు ఎస్.ఎస్.రాజమౌళి తెరకెక్కిస్తున్న బాహుబలి కంక్లూజన్ ఏప్రిల్ 28 న ప్రపంచవ్యాప్తంగా రిలీజ్ అవుతుందని చిత్ర బృందం వెల్లడించింది. ప్రస్తుతం ప్రిన్స్ మురుగ దాస్ కాంబినేషన్లో రూపుదిద్దుకుంటున్న ద్విభాషా చిత్రం వేగంగా చిత్రీకరణ జరుపుకుంటోంది.

ఈ మూవీని వేసవికి రిలీజ్ చేయాలనీ డైరక్టర్ భావిస్తున్నారు. అయితే మహేశ్ బాబు ఏప్రిల్ 28 న విడుదల చేయాలనీ డిసైడ్ అయ్యారంట. ఆ రోజే ఎందుకంటే తనకి బ్లాక్ బస్టర్ హిట్ గా నిలిచిన ‘పోకిరి’ 2006 ఏప్రిల్ 28న విడుదలైంది. దాంతో ఆ డేట్ పై సూపర్ స్టార్ మక్కువ పెంచుకున్నారు. అందుకే, తన తదుపరి చిత్రాన్ని సరిగ్గా అదే తేదీన విడుదల చేయాలని నిర్ణయం తీసుకున్నారు. దీంతో రాజమౌళి బృందంలో అలజడి రేగింది.

గత సంవత్సరం కూడ ఇలాగే ‘బాహుబలి’ కి ‘శ్రీమంతుడు’ కి మధ్య డేట్స్ వార్ జరిగినప్పుడు ‘బాహుబలి’ కోసం మహేష్ తన ‘శ్రీమంతుడు’ ని వెనక్కి జరిపి రాజమౌళికి సహకరించారు. ఇప్పుడు రాజమౌళి మహేష్ కు లైన్ క్లియర్ చేస్తారా ? లేదో .. కొన్ని రోజుల్లో తెలియనుంది.