తెలుగులో చాలా సినిమాల్లో నటించినా స్టార్ హీరోయిన్ గా గుర్తింపును సంపాదించుకోని ప్రగ్యా జైస్వాల్ ప్రస్తుతం బోయపాటి శ్రీను డైరెక్షన్ లో అఖండ సినిమాలో నటిస్తున్నారు. ప్రస్తుతం అఖండ చివరి షెడ్యూల్ షూటింగ్ జరుగుతుండగా షూటింగ్ పూర్తైన తర్వాత సినిమా ప్రమోషన్స్ మొదలుకానున్నాయి. అఖండ క్లైమాక్స్ షూటింగ్ లో బాలకృష్ణ ప్రగ్యా జైస్వాల్ తో పాటు సినిమాలో నటిస్తున్న కీలక నటీనటులు పాల్గొంటున్నారు. తాజాగా ప్రగ్యా జైస్వాల్ అఖండ మూవీ గురించి మాట్లాడుతూ కీలక విషయాలను వెల్లడించారు.
అఖండ షూటింగ్ లో పాల్గొనక ముందు బాలయ్య చాలా సీరియస్ గా ఉంటారని పదేపదే టేక్ లు తీసుకుంటే విసుక్కుంటారని కొంతమంది చెప్పడంతో బాలయ్యతో షూటింగ్ అనగానే తనకు భయం వేసిందని ప్రగ్యా జైస్వాల్ అన్నారు. అయితే బాలయ్య షూటింగ్ లో చాలా జోవియల్ గా ఉంటారని ప్రగ్యా జైస్వాల్ చెప్పుకొచ్చారు. షూటింగ్ గ్యాప్ లో బాలయ్య సరదాగా జోక్స్ చెబుతారని బాలయ్యతో షూటింగ్ ద్వారా చాలా విషయాలను నేర్చుకున్నానని ఆమె అన్నారు.
అఖండ సినిమాలో ప్రగ్యా జైస్వాల్ పాత్ర పవర్ ఫుల్ గా ఉంటుందని యూనిట్ సభ్యులు చెబుతున్నారు. ప్రగ్యా జైస్వాల్ సినిమాపై అంచనాలను మరింత పెంచేశారని చెప్పాలి. ఈ సినిమా వినాయకచవితికి రిలీజ్ కానుందని వార్తలు వస్తుండగా చిత్రయూనిట్ ఆ వార్తల గురించి స్పందించాల్సి ఉంది. బాలయ్య కెరీర్ లో అఖండ బిగ్గెస్ట్ బ్లాక్ బస్టర్ హిట్ గా నిలుస్తుందని ఫ్యాన్స్ భావిస్తున్నారు. బాలయ్యకు కోపం ఎక్కువని గతంలో వైరల్ అయిన పుకార్లకు ప్రగ్యా జైస్వాల్ చెక్ పెట్టారు.
Most Recommended Video
‘నారప్ప’ మూవీ నుండీ అదిరిపోయే డైలాగులు..!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
వెంకీ చేసిన ఈ 10 రీమేక్స్.. ఒరిజినల్ మూవీస్ కంటే బాగుంటాయి..!
Home