సినిమా రంగంలోనే కాదు, రాజకీయాల్లోనూ ప్రశ్నించేందుకు వెనుకడుగు వేయనని విలక్షణ నటుడు ప్రకాష్ రాజ్ (Prakash Raj) మరోసారి తన వివరణ ఇచ్చారు. కఠినమైన అభిప్రాయాలు వ్యక్తం చేస్తూ, ప్రజల కోసం నిలబడే తత్వంతో ప్రతిసారి వార్తల్లో నిలుస్తున్న ఈ నటుడు, ఇటీవలి కాలంలో తనకు వచ్చిన ప్రతికూలతలను సైతం సమర్థవంతంగా ఎదుర్కొంటున్నారు. ప్రకాష్ రాజ్ తన అభిప్రాయాలను స్పష్టంగా, నిస్సంకోచంగా వెల్లడించే వ్యక్తిగా పేరొందారు. విలన్ పాత్రల్లో అనేక విజయాలు సాధించిన ప్రకాష్, ప్రజల తరుపున గొంతు ఎత్తి మాట్లాడటంలో తనకు భయంలేదని వెల్లడించారు.
అందులో ఎలాంటి ప్రతికూలతలు ఎదురైనా, తన మాటలను ప్రజలతో పంచుకోవడంలో ఎప్పుడూ వెనుకాడనని తెలిపారు. రాజకీయం అంటే ప్రశ్నించాల్సిన అవసరం ఉండాలని, ప్రజల తరుపున నిలబడే విధంగా రాజకీయాలు ఉండాలని ప్రకాష్ రాజ్ అభిప్రాయపడ్డారు. ఇటీవలి కాలంలో తాను వ్యక్తిగతంగా, వృత్తిపరంగా పలు సమస్యలను ఎదుర్కొంటున్నప్పటికీ, ఆ ఇబ్బందులను ఎదుర్కొని, ప్రజల కోసం మాట్లాడటం కొనసాగించడమే తన లక్ష్యమని పేర్కొన్నారు.
రాజకీయ అభిప్రాయాల కారణంగా సినీ అవకాశాలు కోల్పోయినా, తనకు ఇబ్బంది లేదని అన్నారు. ప్రజల కోసం గళం వినిపించడం ద్వారా నాకు సంతృప్తి కలుగుతుందని, అందుకే వృత్తి విషయంలో నష్టాలు ఎదురైనా తాను ఏమాత్రం తగ్గబోనని స్పష్టం చేశారు. ‘‘నేను ఇప్పటివరకు చేసిన సినిమాలు చాలు.. ఇకపై సామాన్య ప్రజల కోసం, సమాజంలో ఉన్న అన్యాయాలపై ప్రశ్నిస్తూనే ఉంటాను. ఇటువంటి సమస్యలను ఎవరూ ప్రశ్నించకపోతే, సమాజంలో ఉన్న సమస్యలు పరిష్కారం కాకుండా ఉండిపోతాయి.
ఆ క్రమంలో అనేక కుట్రలకు కూడా గురయ్యాను, కానీ ఎదుర్కొంటూ ప్రజల కోసం నిలబడ్డాను,’’ అంటూ ప్రకాష్ రాజ్ చెప్పారు. సినీ పరిశ్రమలో ఉన్న తన కెరీర్‌పై రాజకీయ అభిప్రాయాలు ప్రభావం చూపినా, తన వంతు బాధ్యతను తీసుకొని ప్రజల కోసం ఎప్పుడూ నిలబడతానని, పద్ధతి మారినప్పటికీ తన పట్టుదల మాత్రం తగ్గబోదని ఆయన ప్రకటించారు.
