విలక్షణ నటుడు ప్రకాష్ రాజ్.. సినిమాలతో పాటు వివాదాస్పద వ్యాఖ్యలతో తరచూ వార్తల్లో నిలుస్తుంటారు. ఈ మధ్యకాలంలో బీజేపీ ప్రభుత్వానికి వ్యతిరేకంగా కామెంట్స్ చేస్తూ.. మీడియాలో హాట్ టాపిక్ అయ్యారు. ఎలాంటి విషయం గురించైనా.. ఓపెన్ గా మాట్లాడే ప్రకాష్ రాజ్.. తాజాగా ‘పఠాన్’, ‘ది కశ్మీర్ ఫైల్స్’ సినిమాలపై సంచలన కామెంట్స్ చేశారు. కేరళలోని తిరువనంతపురంలో జరుగుతున్న మాతృభూమి ఇంటర్నేషనల్ ఫెస్టివల్ ఆఫ్ లెటర్స్ అనే ఈవెంట్ లో పాల్గొన్నారు ప్రకాష్ రాజ్.
ఈ ఈవెంట్ లో భాగంగా మీడియాతో మాట్లాడారు. ఈ క్రమంలో షారుఖ్ ఖాన్ నటించిన ‘పఠాన్’ సినిమా సూపర్ హిట్ అవ్వడం గురించి మాట్లాడారు. షారుఖ్ సినిమాను పొగుడుతూనే.. ‘ది కశ్మీర్ ఫైల్స్’ సినిమాను కించపరుస్తూ మాట్లాడారు. ‘పఠాన్’ సినిమాను బ్యాన్ చేయాలన్న ఇడియట్స్ ఎవరైతే ఉన్నారో.. ఇప్పుడు ఆ సినిమా రూ.700 కోట్లకు పైగా వసూలు చేసి దూసుకుపోతుందని అన్నారు. ‘పఠాన్’ సినిమాను బ్యాన్ చేయాలని గోల చేసినవారే.. మోడీ సినిమాకి కనీసం రూ.30 కోట్ల కలెక్షన్స్ కూడా రాబట్టలేకపోయారని విమర్శించారు.
అలాంటి వారు మొరుగుతారే తప్ప కరవరని అన్నారు. జస్ట్ సౌండ్ పొల్యూషన్ మాత్రమేనని వ్యంగ్యంగా చెప్పారు. ఈ మధ్యకాలంలో వచ్చిన నాన్ సెన్స్ మూవీస్ లో ‘ది కశ్మీర్ ఫైల్స్’ సినిమా ఒకటని షాకింగ్ కామెంట్స్ చేశారు. ఆ సినిమాను ఎవరు ప్రొడ్యూస్ చేశారో అందరికీ తెలుసనీ.. ఇది చాలా సిగ్గుచేటు అంటూ చెప్పుకొచ్చారు. ఇంటర్నేషనల్ జ్యూరీ కూడా ఈ సినిమా మేకర్స్ పై ఉమ్మేసిందని ఘాటు కామెంట్స్ చేశారు.
ఆ సినిమా దర్శకుడేమో తనకు ఆస్కార్ నామినేషన్ రాలేదని అడుగుతున్నాడని.. అతడికి భాస్కర్ అవార్డ్ కూడా రాదని అన్నారు. బయట చాలా సెన్సిటివ్ మీడియా ఉందని.. మీరొక ప్రోపగాండాతో సినిమా చేయొచ్చు కానీ ప్రతిసారి జనాలను ఫూల్ చేయలేరని చెప్పుకొచ్చారు. ప్రకాష్ రాజ్ చేసిన ఈ వ్యాఖ్యలు ఇండస్ట్రీలో సంచలనంగా మారాయి. మరి ఈ కామెంట్స్ పై కశ్మీర్ ఫైల్స్ టీమ్ స్పందిస్తుందేమో చూడాలి.
#kashmirifiles this propaganda film … is it healing wounds or sowing seeds of hatred and inflicting wounds #Justasking pic.twitter.com/tYmkekpZzA
— Prakash Raj (@prakashraaj) March 18, 2022
రైటర్‌ పద్మభూషణ్‌ సినిమా రివ్యూ & రేటింగ్!
రెబల్స్ ఆఫ్ తుపాకుల గూడెం సినిమా రివ్యూ & రేటింగ్!
మైఖేల్ సినిమా రివ్యూ & రేటింగ్!
టాలీవుడ్ లో రీమిక్స్ చేసిన 20 తెలుగు పాటలు ఇవే!
