ఒరిజినల్ మలయాళం ఆడియన్స్‌తో పాటు, తెలుగు ప్రేక్షకులను కూడా ఆకట్టుకున్న సినిమా ప్రేమలు (Premalu). హ్యూమర్, లవ్ ట్రాక్, హైదరాబాద్ బాక్‌డ్రాప్.. అన్నీ కలిపి ఈ సినిమా యూత్‌లో భారీ రెస్పాన్స్ తెచ్చుకుంది. తెలుగు డబ్బింగ్ ఫార్మాట్‌లో విడుదలైన ఈ సినిమా ఎలాంటి ప్రమోషన్ లేకుండా డీసెంట్ కలెక్షన్లు నమోదు చేసింది. ముఖ్యంగా మమితా బైజు (Mamitha Baiju) క్యూట్ లుక్స్‌తో పాటు నెస్లెన్ నటన కూడా తెలుగు ప్రేక్షకుల మనసులను దోచుకుంది.
ఇప్పటికే మేకర్స్ ప్రేమలు 2 (Premalu 2) అనే టైటిల్‌ను ప్రకటించి, సీక్వెల్‌కు గ్రీన్ సిగ్నల్ ఇచ్చారు. కానీ, షూటింగ్ ఎక్కడివరకు వచ్చిందో ఇంకా స్పష్టత లేదు. మళయాళ మీడియాలో వచ్చిన రిపోర్ట్స్ ప్రకారం, రెండవ పార్ట్ కథ కూడా హైదరాబాద్ నేపథ్యంలోనే సాగనుందట. మళ్లీ అదే జంటను కొనసాగిస్తూ ప్రేక్షకులకు మరోసారి నవ్వులు, ఎమోషన్ మిక్స్ చేసిన ప్రేమ కథను అందించాలనే లక్ష్యంతో ఉన్నారు దర్శకుడు గిరీష్ AD (Girish A. D.).
ఈ మధ్యే నెస్లెన్ జింఖానా సినిమాతో తెలుగు ప్రేక్షకులను పలకరించగా, మమితా బైజు తెలుగులో ఓ మ్యూజికల్ రొమాంటిక్ డ్రామాలో కథానాయికగా నటిస్తోంది. వీరిద్దరూ కలిసి మళ్లీ స్క్రీన్ మీద కనిపిస్తే ఆ క్యూట్ కెమిస్ట్రీ మరోసారి మ్యాజిక్ చేయడం ఖాయం. పైగా, మొదటి పార్ట్‌కు వచ్చిన అనూహ్య స్పందనతో రెండవ పార్ట్‌కి బజ్ డబుల్ అయ్యే అవకాశం ఉంది.
ఇక అభిమానుల దృష్టి ఇప్పుడు విడుదల తేదీపైనే. ఈ ఏడాది చివర్లో విడుదల అవుతుందా లేదా వచ్చే ఏడాది మొదట్లోనా అన్నది క్లారిటీ రావాల్సి ఉంది. కానీ ప్రస్తుతానికి మాత్రం, ప్రేమలు 2 (Premalu 2) సినిమాపై ఆసక్తి ఏ మాత్రం తగ్గడం లేదు. సరైన కంటెంట్‌తో వస్తే, ఈ సీక్వెల్ మొదటి పార్ట్‌ను మించిపోయే అవకాశం ఉందని ట్రేడ్ వర్గాలు విశ్లేషిస్తున్నాయి.
