పవన్ కళ్యాణ్ కొద్ది రోజులుగా అమరావతిలో సంచరిస్తూ అక్కడి రైతుల సాధక బాధలు తెలుసుకుంటున్నారు. మూడు రాజధానులు పెట్టాలనే ముఖ్యమంత్రి జగన్ నిర్ణయాలకు వ్యతిరేకంగా.. రాజధాని రైతులకు మద్దతుగా గట్టిగానే గళం విప్పుతున్నారు. ఈ క్రమంలో పవన్ వైసీపీ ప్రభుత్వం పై తీవ్ర విమర్శలు చేస్తుంటే తిరిగి వారు కూడా ప్రతి విమర్శలు చేస్తున్నారు. ఈ పరిణామాలు పవన్ ప్రొడ్యూసర్స్ కి నిద్ర లేకుండా చేస్తున్నాయని సమాచారం.
పవన్ హీరోగా దిల్ రాజు నిర్మాణంలో పింక్ రిమేక్ తెరకెక్కించడానికి సర్వం సిద్ధం చేసి ఉంచారు. ఇప్పటికే కోర్ట్ సెట్ మరియు ఇతర ప్రీ ప్రొడక్షన్ వర్క్ పూర్తి చేసినట్లు తెలుస్తుంది. పవన్ వచ్చి షూటింగ్లో జాయిన్ కావడమే మిగిలివుందని సమాచారం. అలాగే పవన్ క్రిష్ దర్శకత్వంలో ఓ పీరియాడిక్ మూవీ చేయాల్సిఉండగా.. ఈ చిత్ర ప్రీ ప్రొడక్షన్ పనులు కూడా జరుగుతున్నాయి. ఈ నేపథ్యంలో సీరియస్ గా పొలిటికల్ కార్యక్రమాలలో పాల్గొంటున్న పవన్ ప్రత్యర్థుల విమర్శల కారణంగా ఎక్కడ తన మనసు మార్చుకొని సినిమాలు చేసే ఆలోచన పక్కన పెడతాడేమోనని తీవ్ర ఆందోళన చెందుతున్నారట. ఒక వేళ పవన్ మనసు మార్చుకొని సినిమా ఆలోచన విరమించుకుంటే అటు డబ్బులు మరియు విలువైన సమయం కోల్పోవాల్సివస్తుంది. దీనితో పవన్ తో సినిమా చేయాలని కమిట్ అయిన దర్శక నిర్మాతలకు తాజా రాజకీయ పరిణామాలు కునుకు లేకుండా చేస్తున్నాయట.
అతడే శ్రీమన్నారాయణ సినిమా రివ్యూ & రేటింగ్!
తూటా సినిమా రివ్యూ & రేటింగ్!
