మహేష్ రాజమౌళి మూవీపై అంచనాలు పెంచిన నిర్మాత.. అలా చెప్పడంతో?

మహేష్ (Mahesh Babu) రాజమౌళి (S. S. Rajamouli) కాంబో సినిమా షూట్ మొదలుకాకపోయినా వెబ్ మీడియాలో సోషల్ మీడియాలో ఈ సినిమా గురించి వార్తలు ఆగడం లేదు. ప్రధానంగా మహేష్ రోల్ గురించి, ఈ సినిమాలో నటించే నటీనటుల గురించి ఎన్నో వార్తలు ప్రచారంలోకి వస్తున్నాయి. వైరల్ అవుతున్న వార్తల్లో 10 శాతం మాత్రమే నిజం కాగా 90 శాతం ఫేక్ వార్తలు కావడం గమనార్హం. ఈ వార్తలు మరీ ఎక్కువ కావడంతో మేకర్స్ స్పందించి క్లారిటీ ఇవ్వడం జరిగింది.

మహేష్ రాజమౌళి మూవీ నిర్మాత గోపాల్ రెడ్డి (S. Gopal Reddy) మాట్లాడుతూ ప్రస్తుతం ఈ సినిమాకు సంబంధించి ప్రీ ప్రొడక్షన్ పనులు జరుగుతున్నాయని ఆయన కామెంట్లు చేశారు. ఈ సినిమా గురించి రాజమౌళికి తప్ప మరెవరికీ ఏ అప్ డేట్ తెలియదని ఆయన వెల్లడించారు. రాజమౌళి చాలా అంకితభావం కలిగిన వ్యక్తి అని గోపాల్ రెడ్డి పేర్కొన్నారు. జక్కన్న నిరంతరం సినిమా కోసమే పని చేస్తారని ఆయన కామెంట్లు చేశారు.

ఈ సినిమా గురించి నేను విజయేంద్ర ప్రసాద్ తో (Vijayendra Prasad) పలు సందర్భాల్లో చర్చించానని ఈ సినిమా కథ మొత్తం విన్నానని అద్భుతంగా ఉందని గోపాల్ రెడ్డి పేర్కొన్నారు. ఈ సినిమా షూటింగ్ ఎప్పుడు మొదలవుతుంది? సినిమా ఎప్పుడు విడుదలవుతుంది? అనే అప్ డేట్స్ రాజమౌళికి మాత్రమే తెలుసని ఆయన చెప్పుకొచ్చారు. ఈ సినిమా గురించి సోషల్ మీడియాలో వచ్చే గాసిప్స్ ను నమ్మవద్దని ఆయన కామెంట్లు చేశారు.

ఆఫ్రికా అడవుల బ్యాక్ డ్రాప్ లో ఈ సినిమా తెరకెక్కుతుండగా ఈ సినిమా ఎలా ఉండబోతుందో చూడాల్సి ఉంది. ఈ సినిమాలో హాలీవుడ్ నటులను సైతం తీసుకునే ఛాన్స్ అయితే ఉందని తెలుస్తోంది. ఈ సినిమా టైటిల్ కు సంబంధించి ప్రచారంలోకి వస్తున్న వార్తల్లో సైతం నిజం లేదని ఇప్పటికే తేలిపోయింది. మహేష్ రాజమౌళి కాంబో మూవీ కలెక్షన్ల పరంగా సరికొత్త బెంచ్ మార్క్ సెట్ చేసే ఛాన్స్ అయితే ఉంది.