‘హారిక అండ్ హాసిని క్రియేషన్స్’ కి హోమ్ బ్యానర్ అయిన ‘సితార ఎంటర్టైన్మెంట్స్’ పై వరుస సినిమాలు నిర్మిస్తూ హిట్లు మీద హిట్లు కొడుతున్నారు సూర్యదేవర నాగ వంశీ. ఈ ఏడాది ‘డీజే టిల్లు’, ‘భీమ్లా నాయక్’ చిత్రాలతో బ్లాక్ బస్టర్ లు అందుకుని ఫుల్ ఫామ్లో ఉన్నారు ఆయన. ఆయన బ్యానర్ నుండి రాబోతున్న మరో మూవీ ‘స్వాతిముత్యం’. బెల్లంకొండ సాయి గణేష్, వర్ష బొల్లమ్మ జంటగా నటించిన ఈ మూవీకి లక్ష్మణ్ కె. కృష్ణ దర్శకుడు.ఇతనికి ఇదే మొదటి చిత్రం. విజయదశమి కానుకగా అక్టోబర్ 5న ఈ చిత్రం విడుదల కానుంది. ఈ క్రమంలో నిర్మాత నాగవంశీ ప్రమోషన్లలో పాల్గొని ఆసక్తికర విషయాలు తెలియజేశారు.
‘స్వాతిముత్యం’ సినిమా ఎలా ఉండబోతుంది? ఎంత వరకు ప్రేక్షకులను ఆకట్టుకుంటోంది?
ఇదొక ఫన్ ఫిల్డ్ ఫ్యామిలీ ఎంటర్టైనర్. థియేటర్ నుండి ప్రేక్షకులు బయటకు వచ్చేప్పుడు హాయిగా నవ్వుకుంటూ వస్తారు. అద్భుతం తీశాం, అవార్డులు వచ్చే సినిమా తీశామని నేను చెప్పను. పండగ రోజు థియేటర్ కి వస్తే మాత్రం గ్యారంటీగా నవ్వుకునే బయటకు వస్తారు.
ఈ సినిమా పై అంత కాన్ఫిడెన్స్ ఏంటి?
ఇప్పటిదాకా ఎవరూ టచ్ చేయని పాయింట్ ని ఇందులో మేము టచ్ చేశాం. ఒక కాంట్రవర్షియల్ టాపిక్ ని ఫన్ టోన్ లో చెప్పాం.అందువల్ల ఇది ఫ్రెష్ గా అనిపిస్తుంది.
లక్ష్మణ్ కొత్త దర్శకుడు కదా.. మీరేమైనా సూచనలు ఇచ్చారా?
ఇప్పుడు వస్తున్న కొత్త డైరెక్టర్లు చాలా కాన్ఫిడెంట్ గా ఉంటున్నారు. లక్ష్మణ్ కూడా చాలా కాన్ఫిడెంట్ గా తాను అనుకున్నది తీశాడు. మేం చిన్న చిన్న సలహాలు ఇచ్చాం.
ఈ మూవీ కథ విషయంలో త్రివిక్రమ్ గారు ఏమైనా సూచనలు ఇచ్చారా?
ఆయనకు కథ, స్క్రిప్ట్ చూపించకుండా మా సినిమా మొదలవ్వదు.
‘గాడ్ ఫాదర్’, ‘ఘోస్ట్’ సినిమాలతో పాటు రిలీజ్ చేస్తున్నారు. కాన్ఫిడెన్సా? ఓవర్ కాన్ఫిడెన్సా?
కాన్ఫిడెన్స్, ఓవర్ కాన్ఫిడెన్స్ వంటిది లేదండి. నేను మొన్న కూడా చెప్పాను. కోవిడ్ తర్వాత ప్రతివారం కనీసం రెండు మూడు సినిమాలు వస్తున్నాయి. పైగా దసరా సీజన్ కాబట్టి రెండు సినిమాలున్నా రిస్క్ తీసుకుంటున్నాం.
చిరంజీవి గారు తన సినిమా ఫంక్షన్లో మీ సినిమా గురించి కూడా ప్రస్తావిస్తూ ఆల్ ది బెస్ట్ చెప్పారు కదా.. దానికి మీ ఫీలింగ్ ఏంటి?
అందుకే ఆయన చిరంజీవి గారు అయ్యారు. చిన్న సినిమాలను ఆదరించమని కోరతారు. చిన్న సినిమాలను అభినందిస్తారు. అందుకే ఆయన ఇండస్ట్రీ పెద్ద అయ్యారు.
‘స్వాతి ముత్యం’ టైటిల్ పెట్టడానికి కారణమేంటి? టైటిల్ పెట్టేముందు బాగా ఆలోచించారా?
హీరో క్యారెక్టర్ అమాయకంగా ఉంటుంది కాబట్టి స్వాతిముత్యం టైటిల్ సరిగ్గా సరిపోతుందని పెట్టాం. పైగా చిన్న సినిమాకి క్లాసిక్ ఫిల్మ్ టైటిల్ పెడితే మా సినిమా ప్రేక్షకులలోకి త్వరగా వెళ్తుందన్న నమ్మకం, ఉద్దేశంతో పెట్టాం. అయితే సినిమా చూశాక ఇది యాప్ట్ టైటిల్ అని అందరికీ అనిపిస్తుంది.
‘స్వాతి ముత్యం’ అంటే అమాయకుడా? పిచ్చోడా?
పిచ్చోడు కాదు అమాయకుడు. ఈ జనరేషన్ లో ఉండాల్సిన వాడు కాదు. చాలా మంచోడు. శేఖర్ కమ్ముల గారి సినిమాల్లో హీరోలా అన మాట.
ఈ మధ్య కాలంలో ఇది బెస్ట్ కంటెంట్ అని ఫీలైతేనే జనాలు థియేటర్ కు వెళ్తున్నారు? మీ చిత్రం ఆదరణ పొందుతుంది అనే నమ్మకం మీకు ఉందా?
బింబిసార, సీతా రామం, కార్తికేయ -2 సినిమాలు వేటికవే భిన్నమైనవి. అన్నీ ఆదరణ పొందాయి. అలాగే ఈ మధ్య ఎంటర్టైన్మెంట్ సినిమాలు కూడా పెద్దగా రాలేదు. డీజే టిల్లు తర్వాత ఇదే అనుకుంటున్నా. అలా అని కేవలం ఎంటర్టైనర్ మాత్రమే కాదు కొత్త కాన్సెప్ట్ కూడా ఉంది. కాబట్టి ప్రేక్షకులను థియేటర్ కు రప్పించే సినిమానే అని నమ్మాము.
వర్ష బొల్లమ్మ హీరోయిన్ గా ఎంపిక చేయడానికి కారణం?
‘మిడిల్ క్లాస్ మెలోడీస్’ లో చూసినప్పుడు ఆమె నటన నచ్చింది. అది చూసి ఎంపిక చేశాం. దీనిలో కూడా ఒక స్మాల్ టౌన్ అమ్మాయి క్యారెక్టర్. ఆ పాత్రకి ఆమె సరిగ్గా సరిపోతుంది అని సినిమా చూశాక మీకే అర్థమవుతుంది.
ఈ ఫిల్మ్ గణేష్ కి మంచి లాంచ్ అవుతుంది అనుకుంటున్నారా?
బెల్లంకొండ సురేష్ గారు తన పెద్దబ్బాయిని సమంతను హీరోయిన్ గా పెట్టి గ్రాండ్ గా లాంచ్ చేశారు. ఇది అలా కాదు. ఈ సినిమాతో గణేష్ మంచి కాన్సెప్ట్ తో వచ్చాడన్న పేరు వస్తుంది.
స్వాతిముత్యం నుంచి ఇక సితారలో ప్రయోగాత్మక చిత్రాలు ఆశించవచ్చా?
డీజే టిల్లు నుంచే చేశాం కదా. అన్ని రకాలు చిత్రాలు చేస్తాం. టిల్లు, వరుడు కావలెను, స్వాతిముత్యం ఇలా చిన్న చిత్రాలతో ప్రయోగాలు చేస్తున్నాం. అలాగే నెక్స్ట్ బాలకృష్ణ గారు, రవితేజ గారు, వైష్ణవ్ తేజ్, నవీన్ పోలిశెట్టి వంటి హీరోలతో పక్కా కమర్షియల్ సినిమాలు చేస్తున్నాం. అలాగే ఓ కాలేజ్ బ్యాక్ డ్రాప్ మూవీతో తారక్ గారి బావమరిదిని లాంచ్ చేస్తున్నాం.
చిరంజీవి గారితో ఎప్పుడు ఉండొచ్చు ప్రాజెక్ట్?
నేను కూడా వెయిటింగ్. త్వరగా ఆయనతో సినిమా చేయాలని.!
మహేష్ బాబు గారి సినిమా ఎలా ఉండబోతుంది?
త్రివిక్రమ్, మహేష్ గారి కాంబినేషన్ లో వచ్చిన ‘అతడు’, ‘ఖలేజా’ సినిమాలకు థియేటర్స్ లో రావాల్సినంత ఆదరణ రాలేదు. కానీ టీవీల్లో పిచ్చి పిచ్చిగా చూశారు. ఆ కాంబినేషన్ పై విపరీతమైన క్రేజ్ ఉంది. ఈ కాంబినేషన్లో మా బ్యానర్లో రాబోయే మూవీ ఏ స్థాయిలో అంచనాలు పెట్టుకొని జనాలు థియేటర్ కి వస్తారో అంతకు మించి ఉంటుంది మూవీ..!
Most Recommended Video
నేనే వస్తున్నా సినిమా రివ్యూ & రేటింగ్!
‘బిగ్ బాస్ 6’ కంటెస్టెంట్ ఆరోహి రావ్ గురించి 10 ఆసక్తికర విషయాలు..!
‘బిగ్ బాస్ 6’ కంటెస్టెంట్ శ్రీహాన్ గురించి ఆసక్తికర విషయాలు..!
