బండ్ల – హరీష్ మధ్యలో పి.వి.పి…. అసలు కథేంటి..!

గత వారం రోజుల నుండీ నిర్మాత బండ్ల గణేష్, దర్శకుడు హరీష్ శంకర్ ల మధ్య మాటల యుద్ధం జరుగుతున్న సంగతి తెలిసిందే. ట్వీట్ దగ్గరనుండీ మాట.. వరకూ పెరిగింది విషయం. హరీష్ స్ట్రెయిట్ సినిమాలు తియ్యలేడు.. అతనికి లైఫ్ ఇచ్చిందే నేను అంటూ బండ్లన్న కామెంట్ చేస్తే… అతను ‘ఆంజనేయులు’ ‘తీన్ మార్’ వంటి సినిమాలు తీసి రోడ్డున పడితే.. నేను ‘గబ్బర్ సింగ్’ తీసి లైఫ్ ఇచ్చాను అంటూ కామెంట్ చేసాడు.

దీనికి బండ్లన్న.. అసలు జీవితంలో హరీష్ తో సినిమా తియ్యను అంటూ ఓ కామెడీ కామెంట్ చేసాడు. దీనికి హరీష్ కౌంటర్ వేస్తాడు అనుకుంటే ఓ బడా ప్రొడ్యూసర్ సీన్ లోకి ఎంట్రీ ఇచ్చి బండ్ల గణేష్ పై ఇండైరెక్ట్ గా సెటైర్ వేసాడు. ఆ బడా నిర్మాత మరెవరో కాదు ప్రసాద్ వి పొట్లూరి.. అదేనండీ మన పి.వి.పి. అయన మాట్లాడుతూ.. “పైనున్న అమ్మవారు కిందున్న కమ్మవారు అంటూ మా బెజవాడ గురించి బ్రహ్మాండంగా చెప్పావు హరీష్. బ్లేడ్ బాబు ఇకపై నీతో సినిమా తియ్యడట.

వాడు యూట్యూబ్లో షార్ట్ ఫిల్మ్ కూడా తీయలేడులే. నీకైతే నేనే కాకుండా డజన్ల మంది నిర్మాతలు, మిరపకాయను మించి దువ్వాడను దాటించే సినిమా తియ్యడానికి.. వెయిటింగ్. హరీష్ తమ్ముడు… స్టార్ట్ యువర్ కుమ్ముడు’’ అంటూ ట్వీట్ చేశాడు పి.వి.పి..! అందుకు హరీష్ జవాబిస్తూ.. “మీ భాష, భావం రెండూ నన్ను అలరించాయి. ఓ మనిషిని చీల్చి చెండాడడానికి ‘ఫైటే’ అక్కర్లేదు. ‘ట్వీటే’ చాలు అని మీరు నిరూపించారు. మీ రేంజ్ ను మ్యాచ్ చేయాలనే నా ప్రయత్నం. నా పనితనాన్ని గుర్తించినందుకు ధన్యవాదాలు’’ అంటూ హరీష్ రిప్లై ఇచ్చాడు.

Most Recommended Video

అందమైన హీరోయిన్స్ ని పెళ్లి చేసుకున్న టాలీవుడ్ విలన్స్
తెలుగు హీరోలను చేసుకున్న తెలుగురాని హీరోయిన్స్
రానా కు కాబోయే భార్య గురించి ఎవరికీ తెలియని విషయాలు!