కన్నడ స్టార్ హీరో పునీత్ రాజ్ కుమార్ గుండెపోటుతో మరణించడంతో వారి అభిమానులు తీవ్రస్థాయిలో శోకసంద్రంలో లో మునిగిపోయారు. పునీత్ మరణించి దాదాపు ఆరు నెలలు కావస్తున్నా ఇప్పటికీ ఇంకా ఎవరు అంత ఈజీగా ఆయనను మర్చిపోవడం లేదు. ఇంకా పునీత్ రాజ్ కుమార్ సమాధి వద్దకు రోజుకు వేలాది మంది అభిమానులు వచ్చే నివాళులర్పిస్తూనే ఉన్నారు. ఇక ఈ నెల 17వ తేదీన పునీత్ రాజ్ కుమార్ హీరోగా నటించిన ఆఖరి సినిమా జేమ్స్ భారీస్థాయిలో విడుదల కాబోతోంది.
అదే రోజు పునీత్ రాజ్ కుమార్ పుట్టినరోజు కూడా కావడం విశేషం. ఇక ఈ సినిమా పై అంచనాలు అయితే మామూలుగా లేవు. పునీత్ రాజ్ కుమార్ ఈ సినిమాకు డబ్బింగ్ చెప్పక పోయినప్పటికీ అత్యధిక టెక్నాలజీతో షూటింగ్ లో చెప్పిన డబ్బింగ్ ను ఒరిజినల్ సినిమాలో మిక్స్ చేశారు. ఇక ఈ సినిమా అడ్వాన్స్ బుకింగ్స్ తోనే కర్ణాటకలో సరికొత్త రికార్డులను బ్రేక్ చేసేలా ఉందని అనిపిస్తోంది ఇప్పటికే ఆన్లైన్లో సినిమా అడ్వాన్స్ బుకింగ్స్ ఓపెన్ చేయగా దాదాపు ప్రధాన ఏరియాల్లో రెండు రోజుల వరకు హౌస్ ఫుల్ బోర్డులు ఉండేవిధంగా టికెట్లు అమ్ముడుపోయినట్లు సమాచారం.
కన్నడ లోనే అత్యధిక స్థాయిలో అడ్వాన్స్ బుకింగ్స్ అందుకున్న సినిమాగా నెంబర్ వన్ సిమిమగా నిలవబోతున్నట్లు తెలుస్తోంది. తప్పకుండా జేమ్స్ సినిమా ఊహించని స్థాయిలో కలెక్షన్స్ రాబడుతుంది అని బాక్సాఫీస్ ట్రేడ్ వర్గాలు తెలియజేస్తున్నాయి. ఇక పునీత్ రాజ్ కుమార్ ఆఖరి సినిమా కావడంతో అభిమానులు మొదటిరోజు మొదటి షో చూడాలని ఎంతో ఆతృతగా ఎదురుచూస్తున్నారు. ఈ సినిమాలో ప్రియా ఆనంద్ హీరోయిన్ గా నటించింది. యాక్షన్ థ్రిల్లర్ గా తెరకెక్కిన ఈ సినిమాలో పునీత్ రాజ్ కుమార్ ఒక ఆర్మీ ఆఫీసర్ గా కనిపించబోతున్నాడు.
సినిమాలో మంచి సందేశం కూడా ఉంటుంది అని తెలుస్తోంది. కేవలం కన్నడ లోనే కాకుండా ఈ సినిమాను తెలుగు తమిళ హిందీ మలయాళం కన్నడ భాషల్లో కూడా విడుదల చేయబోతున్నారు. మరి ఈ సినిమా బాక్సాఫీస్ వద్ద ఎలాంటి రికార్డులు క్రియేట్ చేస్తుందో చూడాలి.
Most Recommended Video
ఒకే ఫ్యామిలీలో రెండు జెనెరేషన్స్ కు చెందిన హీరోలతో జోడీ కట్టిన భామల లిస్ట్..!
‘గాడ్ ఫాదర్’ తో పాటు టాలీవుడ్లో రీమేక్ కాబోతున్న 10 మలయాళం సినిమాలు..!
ఈ 10 సినిమాలు తెలుగులోకి డబ్ అయ్యాక కూడా రీమేక్ అయ్యాయని మీకు తెలుసా..!
Home