టాలీవుడ్ ఇండస్ట్రీలో డేరింగ్ డాషింగ్ డైరెక్టర్ గా పేరు సంపాదించుకున్న పూరీ జగన్నాథ్ సినీ కెరీర్ లో ఎన్నో సంచలన విజయాలు ఉన్నాయి. పూరీ డైరెక్షన్ లో తెరకెక్కిన సినిమాలలో కొన్ని సినిమాలు ఫ్లాప్ రిజల్ట్ ను అందుకున్నా ఆ సినిమాలు కూడా పూరీ జగన్నాథ్ అభిమానులకు ఎంతగానో నచ్చాయి. స్వయంకృషితో స్టార్ డైరెక్టర్ స్టేటస్ ను సొంతం చేసుకున్న పూరీ జగన్నాథ్ కు ఎంతోమంది అభిమానులు ఉన్నారు.
పూరీ జగన్నాథ్ సినిమాల్లోని డైలాగ్స్ రియాలిటీకి దగ్గరగా ఉంటాయని చాలామంది భావిస్తారు. అయితే లైగర్ సినిమా వల్ల పూరీ జగన్నాథ్ పలు వివాదాల్లో చిక్కుకున్నారు. జరుగుతున్న పరిణామాల వల్ల హర్ట్ అయిన పూరీ జగన్నాథ్ లేడీ ఫ్యాన్ ఒకరు సోషల్ మీడియా వేదికగా చేసిన పోస్ట్ ప్రస్తుతం హాట్ టాపిక్ అవుతోంది. పూరీ ఫ్యాన్ ఆ పోస్ట్ లో పూరీ జగన్నాథ్ మోసగాడు అని పరువు తీసేద్దామని పేర్కొన్నారు.
సినిమా రంగానికి ఎన్నో హిట్లను ఇచ్చిన పూరీ జగన్నాథ్ ప్రస్తుతం కుట్రల మధ్య నలిగిపోతున్నాడని అందువల్ల ఆయన పరువు తీసేయాలని ఫ్యాన్ తన పోస్ట్ లో చెప్పుకొచ్చారు. టాలీవుడ్ స్టార్ హీరోలకు బ్లాక్ బస్టర్ హిట్లు ఇచ్చినందుకు అతనిపై మోసగాడు అనే ముద్ర వేయాలని ఫ్యాన్ పేర్కొన్నారు. వందల కోట్లు నష్టపోయినా ఎవరినీ నిందించని పూరీని, పూరీ కుటుంబాన్ని రోడ్డుపైకి లాగాలని ఫ్యాన్ కామెంట్ చేశారు.
పూరీ జగన్నాథ్ ఎవరి పరువు తీయకుండా ఉన్నందుకు బుద్ధొచ్చేలా ఆయన పరువు తీయాలని ఫ్యాన్ చెప్పుకొచ్చారు. ఫ్లాపులు వచ్చినా బ్లాక్ బస్టర్స్ తో బౌన్స్ బ్యాక్ అయిన పూరీని పరువు తీసి సత్కరించాలని పూరీ ఫ్యాన్ పేర్కొన్నారు. పూరీ లేడీ ఫ్యాన్ చేసిన ఈ పోస్ట్ సోషల్ మీడియాలో వైరల్ అవుతోంది. పూరీ జగన్నాథ్ ను విమర్శించే వాళ్లు ఈ పోస్ట్ పై ఎలా రియాక్ట్ అవుతారో చూడాలి.
Home
