మళ్లీ ఫామ్లోకి రావడానికి రోగ్ తో వస్తున్న పూరి జగన్నాథ్

స్పీడ్ డైరక్టర్ పూరి జగన్నాథ్ వరుస ఫ్లాప్ లతో ఫేడ్ అవుట్ అవుతున్నారు. టెంపర్ తర్వాత ఆయన దర్శకత్వంలో వచ్చిన జ్యోతిలక్ష్మి, లోఫర్, ఇజం చిత్రాలు ఆశించినంతగా విజయం సాధించలేదు. దీంతో ఈసారి తన మార్క్ ప్రేమకథనే ఎంచుకున్నారు. తన కెరీర్ ని మలుపు తిప్పిన ఇడియట్ లాంటి స్టోరీ తో రోగ్ అనే చిత్రాన్ని తెరకెక్కించారు. దీనికి మరో చంటిగాడి ప్రేమకథ అని క్యాప్చన్ పెట్టి యువతను ఆకర్షించారు. ప్రముఖ నిర్మాత సీఆర్ మనోహర్ వారసుడు ఇషాన్ హీరోగా పరిచయం అవుతున్న ఈ సినిమా ఫస్ట్ లుక్ పోస్టర్ ను వాలెంటైన్స్ డే కానుకగా రిలీజ్ చేశారు. ఈ పోస్టర్ లో హీరో తల కిందులుగా వేలాడుతూ ఆకట్టుకున్నారు. ఈ పోస్టర్ పూరి అభిమానులను విపరీతంగా నచ్చింది.  ఈ  పోస్టర్ పై రామ్ గోపాల్ వర్మ స్పందించారు.

“ఇడియట్ తరువాత గ్రేట్ లుకింగ్ రోగ్, నీకు అలాంటి వాళ్లే ఎందుకు నచ్చుతారు పూరి?’ అంటూ తనదైన శైలిలో ట్వీట్ చేశారు. రోగ్ తో పూరి జగన్నాథ్ మళ్లీ ఫామ్లోకి రావడం ఖాయమని సినీ విశ్లేషకులు అంచనా వేస్తున్నారు. ఇడియట్ కథ తెలుగుకంటే ముందు కన్నడంలో అప్పు గా సూపర్ హిట్ అయింది. అందుకే ఈ రోగ్ ని ఏకకాలంలో తెలుగు, కన్నడలో రిలీజ్ చేయనున్నారు. ఫస్ట్ లుక్ ని కూడా రెండు భాషల్లో ఒకేసారి రిలీజ్ చేశారు.

Here’s the 1st look of my film #Rogue. #HappyValentinesDay to all the lovers who hung upside down for their love 👍🏼@cv_ishan pic.twitter.com/6QIezQCpOS

— PURI JAGAN (@purijagan) February 13, 2017

Also, do SUBSCRIBE to our YouTube channel to get latest Tollywood updates.