టాలీవుడ్ ఐకాన్ స్టార్ అల్లు అర్జున్ (Allu Arjun) నటిస్తున్న పాన్ ఇండియా మూవీ ‘పుష్ప 2’ (Pushpa 2) పై భారీ అంచనాలు నెలకొన్నాయి. సినీ ప్రియులు కూడా ఈ సినిమా కోసం ఎంతో ఆసక్తిగా ఎదురుచూస్తున్నారు. ‘పుష్ప 1’లో (Pushpa) ప్రభావవంతమైన పాత్రతో అందరిని ఆకట్టుకున్న పవర్‌ఫుల్ క్యారెక్టర్ పుష్పరాజ్‌ను మళ్లీ చూడడానికి అందరూ ఆసక్తిగా ఎదురు చూస్తున్నారు. ఈ నేపథ్యంలో ఈ సినిమా గురించి వచ్చే ప్రతి చిన్న అప్డేట్ కూడా సోషల్ మీడియాలో తెగ వైరల్ అవుతోంది.
ఇటీవల ‘పుష్ప 2’లో కీలక పాత్ర పోషిస్తున్న యాంకర్, నటి అనసూయ భరద్వాజ్ (Anasuya Bhardhwaj) రియాలిటీ షో ‘బిగ్ బాస్ సీజన్-8’ దీపావళి స్పెషల్ ఎపిసోడ్‌లో గెస్ట్‌గా హాజరయ్యారు. ఈ సందర్భంగా అనసూయ పుష్ప 2 గురించి పలు ఆసక్తికర విషయాలు చెప్పి ఫ్యాన్స్‌కి మరింత కుతూహలం పెంచారు. పుష్ప 2లో ప్రతి పది నిమిషాలకోసారి ఒక హై ఇంపాక్ట్ మూమెంట్ ఉంటుందని, సినిమా మొత్తం సస్పెన్స్‌తో నిండిపోయి ఉంటుందని తెలిపారు. ప్రతి పదినిమిషాలకు ప్రేక్షకులకు ఊహించని ట్విస్ట్ లభిస్తుందని అన్నారు.
‘పుష్ప 1’ ఒక పరిచయంలా తీశారని, అసలు కథ మాత్రం ‘పుష్ప 2’లో ఉందని చెప్పారు. ఈ కామెంట్స్ సోషల్ మీడియాలో తెగ వైరల్ అవుతున్నాయి. డైరెక్టర్ సుకుమార్ ఈ సీక్వెల్‌కి ఒక ప్రత్యేకమైన స్క్రిప్ట్ రాసుకున్నారని నెటిజన్లు అంచనా వేస్తున్నారు. సినిమా ప్రేక్షకులను అన్ని విధాలా ఆకట్టుకునేలా నిర్మాణంలో భారీ ప్లాన్ ఉందని భావిస్తున్నారు. ఇక పుష్ప 2 షూటింగ్ చివరి దశకు చేరుకుంది. ఐటెం సాంగ్ మాత్రమే పెండింగ్‌గా ఉందని మేకర్స్ ఇటీవల ప్రకటించారు.
షూటింగ్ పూర్తిచేసిన తర్వాత మేకర్స్ ప్రమోషన్స్‌కు కూడా పెద్ద ప్రణాళిక సిద్ధం చేస్తున్నారు. ఐదు ప్రధాన రాష్ట్రాల్లో ఈవెంట్లను నిర్వహించి, పాన్ ఇండియా స్థాయిలో బజ్ క్రియేట్ చేయాలని చూస్తున్నారు. అన్ని భాషలకు అనుగుణంగా వివిధ ప్రాంతాల్లో పెద్ద ఈవెంట్లు నిర్వహించనున్నారని సమాచారం. మరి అల్లు అర్జున్ (Allu Arjun), సుకుమార్ (Sukumar) కలయికలో వస్తున్న ‘పుష్ప 2’ ఎలాంటి సంచలనం సృష్టిస్తుందో చూడాలి.
