‘పుష్ఫ’రాజ్‌ లుక్‌ను రివీల్‌ చేశాక అప్పటివరకు ఉన్న హైప్‌ అమాంతం పెరిగింది అనడంతో ఎంతమాత్రం అతిశయోక్తి లేదు. అల్లు అర్జున్ లుక్‌ అప్పటికే అందరికీ తెలిసినా… యాక్షన్‌ సీన్స్‌, బ్యాక్‌డ్రాప్‌, స్లాంగ్‌… ఇలా అన్నీ సినిమా హైప్‌ను పెంచేశాయి. ఇప్పుడు లీక్‌లు వరుస కట్టి ఆ హైప్‌ను డబుల్‌ చేయాలని చూస్తున్నాయి. అందులో భాగంగానే సినిమా వసూళ్ల టార్గెట్‌ ₹200 కోట్లు అనే ముచ్చట. అవును సినిమా కనీసం ₹200 కోట్లు సంపాదించి పెట్టేలా చిత్రబృందం ప్రయత్నాలు మొదలుపెట్టిందట.
సినిమా బడ్జెట్‌ లెక్క ఇప్పటివరకు ఎక్కడా పెద్దగా చెప్పింది లేదు. ఐదు భాషల్లో తెరకెక్కుతున్న ఈ సినిమాకు మైత్రీ మూవీ మేకర్స్‌ గట్టిగానే ఖర్చుపెడుతోందట. సుమారు ₹150 కోట్ల వరకు సినిమా కోసం ఖర్చు చేస్తున్నారని తాజా టాక్‌. ఇందులో నిజానిజాలు బయటకు రాకపోయినా… పుకార్లు మాత్రం జోరుగా సాగుతున్నాయి. అంతే కాదు సినిమా హీరో, దర్శకుడు గట్టిగానే అందుకోబోతున్నారట. అల్లు అర్జున్ ₹30 కోట్లు – ₹40 కోట్లు అందుకోనుండగా, సుకుమార్‌ ₹20 – ₹30 కోట్లు అందుకోనున్నాడట.
₹150 కోట్ల బడ్జెట్‌తో సినిమా అంటే కచ్చితంగా అంచనాలు ₹200 కోట్లు ఉంటాయనడం పక్కా. ఈ కాంబో నుండి అంత వసూళ్లు ఆశించడం పెద్ద సాహసమేమీ కాదు. అందులోనూ ఐదు భాషలు కాబట్టి అంత రావొచ్చు. ఇంకా సినిమా బిజినెస్‌ మాట్లాడుకోవడం లేదు కాబట్టి… ఈ విషయాలు తెలియడం లేదు. అవి కూడా మొదలైతే అసలు విషయం ఇంకా క్లారిటీగా బయటకు వస్తుంది. చూద్దాం… ‘పుష్ప’రాజ్‌ ‘తగ్గేదే లే’ అంటూ ఎంత సాధిస్తాడో.
Most Recommended Video
వకీల్ సాబ్ సినిమా రివ్యూ & రేటింగ్!
లాయర్ గెటప్ లలో ఆకట్టుకున్న 12 మంది హీరోలు వీళ్ళే..!
జాతి రత్నాలు, ఉప్పెన, క్రాక్..ఇలా బాలీవుడ్ కు చాలానే వెళ్తున్నాయి..!
Home