Pushpa: ‘పుష్ప’ విషయంలో సుక్కూ అస్సలు తగ్గడం లేదుగా..!

‘అల వైకుఠ‌పురంలో’ వంటి ఇండస్ట్రీ హిట్ త‌రువాత‌ అల్లు అర్జున్ హీరోగా, ‘రంగస్థ‌లం’‌ వంటి ఇండస్ట్రీ హిట్ త‌రువాత స్టైలిష్ డైరెక్టర్ సుకుమార్ ద‌ర్శ‌క‌త్వం లో రాబోతున్న చిత్రం ‘పుష్ప‌’. ‘మైత్రీ మూవీ మేకర్స్’ ‘ముత్తంశెట్టి మీడియా’ సంస్థలు కలిసి ఈ చిత్రాన్ని నిర్మిస్తున్నాయి. ఇప్పటికే విడుదల చేసిన ఫ‌స్ట్ లుక్‌, టీజర్లకు విశేషాధరణ దక్కాయి. ఆగ‌స్ట్ 13న ఈ చిత్రాన్ని విడుదల చెయ్యబోతున్న సంగతి తెలిసిందే. ఇది పాన్ ఇండియా మూవీ కాబట్టి.. భారీ బడ్జెట్ అవుతుంది అని ముందు నుండీ అంతా అనుకున్నారు.

కానీ ఇప్పుడు దానికి మించే అవుతుందనేది ఇన్సైడ్ టాక్. మరీ ముఖ్యంగా యాక్షన్ ఎపిసోడ్స్ కోసమే దర్శకుడు సుకుమార్ నిర్మాతలతో రూ.40 కోట్లు పైనే ఖర్చు పెట్టిస్తున్నాడట. ఈ చిత్రంలో 6 యాక్షన్ ఎపిసోడ్స్ ఉంటాయట. అవి పీటర్ హెయిన్స్ ఆధ్వర్యంలో తెరకెక్కించబోతున్నారు అని సమాచారం. హాలివుడ్ సినిమాలకు ఏమాత్రం తీసిపోని విధంగా ఈ యాక్షన్ ఎపిసోడ్స్ ఉంటాయని తెలుస్తోంది. ఫారెస్ట్ లోనే ఈ ఫైట్ సీక్వెన్స్ లు ఉంటాయట.

ఇక జాతియ అవార్డు గ్ర‌హీత, మ‌ళ‌యాళంలో స్టార్ హీరో అయిన ఫహాద్ ఫాజిల్ ఈ చిత్రంలో విలన్ గా కనిపించబోతున్నాడు. హీరోయిన్ గా ర‌ష్మిక మందన న‌టిస్తుంది. దేవి శ్రీ ప్ర‌సాద్ సంగీతం అందిస్తున్నారు. సినిమాటోగ్రాఫ‌ర్ మిరోస్లోవ్ కుబ బ్రోజెక్ విజువ‌ల్స్ కూడా నెక్స్ట్ లెవెల్లో ఉంటాయట. టీజర్ ను బట్టి ఈ విషయం ఆల్రెడీ ప్రూవ్ అయ్యింది.

Most Recommended Video

‘వకీల్ సాబ్ ‘ నుండీ ఆకట్టుకునే 17 పవర్ ఫుల్ డైలాగులు!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
లాయర్ గెటప్ లలో ఆకట్టుకున్న 12 మంది హీరోలు వీళ్ళే..!