స్టైలిష్ స్టార్ అల్లు అర్జున్, సుకుమార్ కాంబినేషన్ లో తెరకెక్కిన ‘పుష్ప’ సినిమా శుక్రవారం నాడు విడుదలైన సంగతి తెలిసిందే. భారీ అంచనాల మధ్య విడుదలైన ఈ సినిమాకి పెద్ద షాక్ తగిలింది. సినిమా విడుదలైన కొద్ది గంటల్లోనే ‘పుష్ప’ పైరసీ అయినట్లు తెలుస్తోంది. ఈ మధ్యకాలంలో పైరసీని అరికట్టడానికి ఎన్ని జాగ్రత్తలు తీసుకుంటున్నా.. దాన్ని కంట్రోల్ చేయలేకపోతున్నారు. చిన్న సినిమాల నుంచి భారీ బడ్జెట్ సినిమాల వరకు ఈ పైరసీ బెడద తప్పడం లేదు.
ఇప్పటివరకు వేల సినిమాలు పైరసీ పాలయ్యాయి. ‘బాహుబలి’ లాంటి పాన్ ఇండియా సినిమాలు కూడా పైరసీ బారిన పడ్డాయి. తాజాగా ‘పుష్ప’ సినిమాను కూడా పైరసీ చేసేసారు. సినిమా విడుదలైన కొద్ది గంటల్లోనే ఫుల్ హెచ్ డి లింక్ ను ఆన్‌లైన్‌లో పెట్టేశారు. ఎన్నో ఏళ్లుగా పైరసీను ప్రోత్సహిస్తోన్న తమిళ రాకర్స్, మూవీ రూల్స్ వంటి సంస్థలు చాలా సినిమాలను ఆన్‌లైన్‌లో పెట్టేస్తున్నాయి. ఇప్పుడు సినిమాను కూడా లీక్ చేసేశాయి.
దీంతో భారీ కలెక్షన్స్ తో బాక్సాఫీస్ ను షేక్ చేస్తుందనుకుంటున్న చిత్రనిర్మాతలు ఆందోళన పడుతున్నారు. ఇప్పటికే ‘పుష్ప’ సినిమాకి మిశ్రమ స్పందన వస్తుంది. బ్లాక్ బస్టర్ అనుకున్న ఈ సినిమాపై కొందరు కావాలనే యావరేజ్ అనే ప్రచారం చేస్తున్నారు. ఈ క్రమంలో సినిమా ఆన్‌లైన్‌లో లీక్ అవ్వడం ‘పుష్ప’ సినిమాకి కలెక్షన్స్ పరంగా దెబ్బపడినట్లే. మరి దీనిపై చిత్రబృందం ఎలా రియాక్ట్ అవుతుందో చూడాలి. ఇక రష్మిక హీరోయిన్ గా నటించిన ఈ సినిమాలో సమంత ఐటెం సాంగ్ లో నటించింది.
ఫహద్ ఫాజిల్ విలన్ పాత్రలో నటించారు. సెకండ్ పార్ట్ లో ఫహద్ రోల్ ఎక్కువ ఉంటుందని తెలుస్తోంది. దేవిశ్రీప్రసాద్ సంగీతం అందించిన ఈ సినిమాను పాన్ ఇండియా లెవెల్ లో రిలీజ్ చేశారు.
Most Recommended Video
‘పుష్ప’ చిత్రంలో ఆకర్షించే అంశాలు..!
‘అంతం’ టు ‘సైరా’.. నిరాశపరిచిన బైలింగ్యువల్ సినిమాల లిస్ట్..!
పవర్ ఆఫ్ పబ్లిక్ సర్వెంట్ అంటే చూపించిన 11 మంది టాలీవుడ్ స్టార్లు..!
