సింధు బయోపిక్ కి రంగం సిద్ధం ??

సంచలన బ్యాడ్మింటన్ క్రీడాకారిణి, ఒలింపిక్స్ విజేత పి.వి.సింధుపై మన ఉభయ రాష్ట్రాల తెలుగు ప్రభుత్వాలతోపాటు.. కేంద్ర ప్రభుత్వం మరియు పలు రాష్ట్రాల ప్రభుత్వాలు కోట్లాది రూపాయలు, కోట్లు విలువ చేసే ఇళ్ల స్థలాలు ప్రోత్సాహక బహుమతులుగా ఇవ్వడం తెలిసిందే. ఇవి చాలవన్నట్లు డిప్యూటీ కలెక్టరు ఉద్యోగం కోసం దరఖాస్తు పెట్టుకొన్న సింధుకు.. మరో రూపంలోనూ భారీ నజరానా దక్కనుంది. విశ్వసనీయ సమాచారం ప్రకారం.. సింధు విజయగాధను సినిమాగా తీసేందుకు ప్రయత్నాలు జరుగుతున్నాయి.

ఈమేరకు ఓ యువ దర్శకుడు సింధు పేరెంట్స్ తో చర్చలు జరుపుతున్నాడని.. అవి త్వరలోనే ఓ కొలిక్కి రానున్నాయని సమాచారం. సినిమా అంటే.. హీరోయిన్ తో పాటు హీరో కూడా ఉండాలి కాబట్టి.. హీరో క్యారెక్టర్ ను ఎలా తీర్చి దిద్దాలి? వీరిద్దరి మధ్య లవ్ ను ఎలా చూపించాలి? లేదా లవ్ ను ఎవాయిడ్ చేస్తే బాగుంటుందా? వంటి అంశాలపై తర్జనభర్జన పడుతున్నారని తెలుస్తోంది. ఇకపోతే.. సింధు క్యారెక్టర్ ను ఆమెతోనే చేయించాలా లేక వేరే ఎవరితోనయినా వేయించాలా అన్న దానిపై కూడా స్పష్టత లేదని కూడా తెలుస్తోంది. జాతీయ స్థాయిలో సింధుకున్న పాపులారిటీ ని సొమ్ము చేసుకునేందుకు వీలుగా.. ఈ చిత్రాన్ని తెలుగులోనే కాకుండా.. హిందీలోనూ ఏక కాలంలో తెరకెక్కించనున్నారని భోగట్టా!!

Also, do SUBSCRIBE to our YouTube channel to get latest Tollywood updates.