మెగా ప్రిన్స్ వరుణ్ తేజ్ హీరోగా రాశీ ఖన్నా హీరోయిన్ గా వెంకీ అట్లూరి దర్శకుడిగా పరిచయమవుతూ చేసిన చిత్రం ‘తొలి ప్రేమ’. ‘శ్రీ వెంకటేశ్వర సినీ చిత్ర'(ఎస్వీసిసి) బ్యానర్ పై రూపొందిన ఈ చిత్రాన్ని బి.వి.ఎస్.ఎన్ ప్రసాద్ నిర్మించారు. 2018 వ సంవత్సరం ఫిబ్రవరి 10 న ఈ చిత్రం రిలీజ్ అయ్యింది. ఎటువంటి అంచనాలు లేకుండా రిలీజ్ అయిన ఈ చిత్రం మొదటి షోతోనే సూపర్ హిట్ టాక్ ను సొంతం చేసుకుంది.
దీంతో ‘ఫిదా’ తర్వాత వరుణ్ తేజ్ కి మరో హిట్ సినిమా పడినట్టు అయ్యింది. కథగా చెప్పుకోవాలి అంటే ‘తొలిప్రేమ’ కొత్తగా ఏమీ ఉండదు. కానీ సీన్స్ ఫ్రెష్ గా ఉంటాయి, లవ్ ట్రాక్, సంభాషణలు వంటివి కూడా ప్రేక్షకులకి కొత్త అనుభూతి కలిగించాయి. ఈ చిత్రంలో వరుణ్ తేజ్ నటనకి ఎంత మంచి అప్లాజ్ వచ్చిందో.. హీరోయిన్ రాశీ ఖన్నాకి కూడా అంత మంచి పేరు వచ్చింది అని చెప్పాలి.ఈ సినిమాకి ముందు రాశీ ఖన్నా కెరీర్ కాస్త డౌన్ లో ఉండేది.
కానీ ఈ సినిమా వల్ల మరో అరడజను ప్రాజెక్టులు ఆమె ఖాతాలోకి వచ్చి చేరాయి. అయితే (Tholi Prema) ‘తొలి ప్రేమ’ చిత్రానికి ఫస్ట్ ఆప్షన్ రాశీ ఖన్నా.. కాదట. మరో స్టార్ హీరోయిన్ రిజెక్ట్ చేస్తే.. ఆ అవకాశం రాశీకి దక్కిందట. అవును ‘తొలిప్రేమ’ చిత్రాన్ని మిస్ చేసుకున్న హీరోయిన్ మరెవరో కాదు మెహరీన్ కౌర్ పిర్జాదా. అవును.. ముందుగా వర్ష పాత్ర కోసం మెహరీన్ ను అడిగారట.
‘కృష్ణగాడి వీర ప్రేమగాధ’ తర్వాత మెహరీన్ ఇమేజ్ పెరిగింది. ఆ తర్వాత వరుసగా ఆమె 6 ప్రాజెక్టులకు సైన్ చేసిందట. అదే టైంలో ‘తొలిప్రేమ’ ఆఫర్ కూడా వచ్చిందట. కానీ అప్పటికే 6 ప్రాజెక్టులతో బిజీ అయ్యే సరికి ‘తొలిప్రేమ’ ని మిస్ చేసుకోవాల్సి వచ్చింది అని ‘స్పార్క్’ సినిమా ప్రమోషన్స్ లో మెహరీన్ చెప్పుకొచ్చింది.
జపాన్ సినిమా రివ్యూ & రేటింగ్!
జిగర్ తండ డబుల్ ఎక్స్ సినిమా రివ్యూ & రేటింగ్!
ఈ వారం థియేటర్/ఓటీటీల్లో రిలీజ్ కాబోతున్న 35 సినిమాలు/సిరీస్..ల లిస్ట్..!
