‘కాంచన 3’ హడావిడి మొదలయ్యింది..!

‘ముని’ ‘కాంచన (ముని 2)’ ‘గంగ(ముని 3, కాంచన 2 )’ వంటి హారర్ కామెడీ థ్రిల్లర్ సినిమాలు చేసి కోలీవుడ్ తో పాటు టాలీవుడ్ జనాలను ఆకర్షించాడు రాఘవ లారెన్స్. అయితే తెలుగులో మాత్రం ‘కాంచన’ పెద్ద హిట్ కావడంతో ‘కాంచన’ సీక్వెల్స్ గా ప్రమోట్ చేస్తుండడం విశేషం. ఇక ‘ముని’ సీక్వెల్స్ గా వచ్చిన ఈ చిత్రాలని తెలుగులో కనక వర్షం కురిపించాయి. ఇప్పుడు ‘ముని’ సిరీస్ లో రాబోతున్న ‘ముని 4- కాంచన 3 ‘ చిత్రం రానుందని తెలియడంతో.. ఈ చిత్రం కోసం ఆడియన్స్ ఎంతో ఆసక్తిగా ఎదురుచూస్తున్నారు.

ఇక ‘ముని 4 – కాంచన 3 ‘ చిత్రాన్ని ఏప్రిల్ 18 న విడుదల చేయనున్నట్టు తాజాగా చిత్ర యూనిట్ ప్రకటించింది. ఇక ఈ చిత్రాన్ని తమిళ .. తెలుగు భాషలతో పాటు మలయాళంలో కూడా విడుదల చేయబోతున్నారు. ఈ చిత్రాన్ని మరింత భయపెట్టెలాగా లారెన్స్ తీర్చిదిద్దాడట. ఇప్పుడు ఈ చిత్ర తెలుగు హక్కుల కోసం చాలామంది బడా నిర్మాతలు పోటీపడుతున్నట్టు తెలుస్తుంది. మరి చివరికి ఎవరికి దక్కుతాయో తెలియాలంటే కొన్నాళ్ళు వేచి చూడక తప్పదు.