అవన్నీ అవాస్తవాలే అంటున్న రఘు మాష్టర్..!

‘బిగ్ బాస్4’.. సెప్టెంబర్ 6 నుండీ ప్రారంభం కాబోతుందని అధికారిక ప్రకటన వచ్చేసింది. ఈ సీజన్ ను కూడా ‘కింగ్’ నాగార్జునే హోస్ట్ చెయ్యబోతున్నారు. గత 10రోజుల నుండీ ఆయన ప్రోమోలతో హల్ చల్ చేస్తున్న సంగతి తెలిసిందే.అంతా బాగానే ఉంది కానీ కంటెస్టెంట్ ల విషయంలో మాత్రం ఇంకా క్లారిటీ రాలేదు. రోజుకో లిస్ట్ బయటకు వస్తుంది. ఆ లిస్ట్ లో ఉన్నవాళ్లు కొంతమంది అదంతా ఫేక్ న్యూస్ అంటూ కొట్టిపారేస్తున్నారు.

ఇప్పుడు ఆ లిస్ట్ లో ప్రముఖ కొరియోగ్రాఫ‌ర్ రఘు మాస్టర్ కూడా చేరిపోయాడు. వివరాల్లోకి వెళితే.. ర‌ఘు మాష్టర్ ‌తో పాటు ఆయ‌న భార్య ప్ర‌ణ‌వి కూడా ‘బిగ్ బాస్4’ లో పాల్గొనబోతున్నట్టు ప్రచారం జరిగింది. కానీ ఆ వార్తల్లో నిజం లేదని రఘు మాష్టర్ తేల్చిపడేసాడు. ఆయన మాట్లాడుతూ.. “నాకు బిగ్‌బాస్ 4 ఆఫ‌ర్ వ‌చ్చిన‌మాట నిజమే.! అయితే కొన్ని పర్సనల్ రీజన్స్ వల్ల ఆ ఆఫర్ ను వదులుకున్నాను” అంటూ చెప్పుకొచ్చాడు. అయితే మొదట ర‌ఘు మాస్ట‌ర్ ‘బిగ్‌బాస్4’ ‌కు వెళ్ళడానికి రెడీ అయ్యాడు కానీ…

తరువాత మనసు మార్చుకుని బిగ్‌బాస్‌కు హ్యాండ్ ఇచ్చాడ‌ని సెటైర్స్ వినిపిస్తున్నాయి. గతేడాది ఓ కొరియోగ్రాఫ‌ర్ ను తీసుకున్నారు కాబట్టి.. ఈసారి కూడా రఘుమాస్టర్ ప్లేస్ లో ఓ కొరియోగ్రాఫ‌ర్ ను కంటెస్టెంట్ గా తీసుకుంటారు అంటూ కొందరు ధీమా వ్యక్తం చేస్తున్నారు. మరి వారి నమ్మకం ఎంత నిజమైందో తెలియాలి అంటే సెప్టెంబర్ 6 వరకూ ఎదురుచూడాల్సిందే..!

Most Recommended Video

34 ఏళ్ళ సినీ కెరీర్ లో ‘కింగ్’ నాగార్జున రిజెక్ట్ చేసిన సినిమాల లిస్ట్..!
మెగాస్టార్ చిరంజీవి కెరీర్లో ఆగిపోయిన సినిమాల లిస్ట్..!
సౌత్ లో అత్యధిక పారితోకం అందుకునే సంగీత దర్శకులు వీరే!