టాలీవుడ్ ఇండస్ట్రీలో రాజ్ తరుణ్ (Raj Tarun) కు మంచి పేరుతో పాటు మంచి గుర్తింపు ఉంది. 50 రోజుల్లో రాజ్ తరుణ్ నటించిన మూడు సినిమాలు థియేటర్లలో విడుదలయ్యాయి. తాజాగా రాజ్ తరుణ్ భలే ఉన్నాడే సినిమాతో ప్రేక్షకుల ముందుకు వచ్చారు. ఈ సినిమా ప్రస్తుతం థియేటర్లలో మిక్స్డ్ టాక్ తో ప్రదర్శితం అవుతోంది. అయితే ఈ సినిమా ప్రమోషన్స్ లో భాగంగా రాజ్ తరుణ్ షాకింగ్ విషయాలను వెల్లడించారు. నన్ను ఎవరైనా గుర్తించి సినిమా ఇండస్ట్రీకి పిలవాలని భావించి నేను ఎంతో కష్టపడ్డానని రాజ్ తరుణ్ తెలిపారు.
నాకు వైజాగ్ కాకుండా మరో ఊరు తెలియదని 52 షార్ట్ ఫిల్స్మ్ తీసిన తర్వాత రామ్మోహన్ గారు నన్ను పిలిచారని రాజ్ తరుణ్ చెప్పుకొచ్చారు. 3000 రూపాయలకు అసిస్టెంట్ డైరెక్టర్ గా పని చేయాలని ఆయన నాకు సూచించారని రాజ్ తరుణ్ కామెంట్లు చేశారు. స్క్రిప్ట్ రాసిన తర్వాత నాతో సీన్ గురించి చర్చించేవారని రాజ్ తరుణ్ వెల్లడించారు. ప్రతి సీన్ ఇంకా బాగా రాస్తే బాగుంటుందని అనిపించేదని రాజ్ తరుణ్ పేర్కొన్నారు.
నేను అదే విషయాన్ని వెల్లడించడంతో నేను ఉంటే స్క్రిప్ట్ వర్క్ ముందుకు సాగదని తీసేశారని రాజ్ తరుణ్ తెలిపారు. ఆ సమయంలో ఏం చేయాలో అర్థం కాలేదని సినిమాల కోసం బీటెక్ సైతం వదిలేసి వచ్చానని ఆయన అన్నారు. అద్దె కట్టడానికి సైతం డబ్బులు లేక ఫుట్ పాత్ పై పడుకున్న సందర్భాలు ఉన్నాయని రాజ్ తరుణ్ పేర్కొన్నారు.
11 రోజులు నేను అక్కడే ఉన్నానని ఆ తర్వాత రామ్మోహన్ గారు పిలిపించగా ఇండస్ట్రీలో సెటిల్ అవ్వాలనే పట్టుదలతో నేను రైటర్ గా పని చేశానని ఆ తర్వాత నాకు హీరోగా ఛాన్స్ వచ్చిందని రాజ్ తరుణ్ వెల్లడించారు. రాజ్ తరుణ్ చెప్పిన విషయాలు సోషల్ మీడియాలో వైరల్ అవుతున్నాయి.
Home