సీనియర్ నటుడు రాజా రవీంద్ర తెలుగు ప్రేక్షకులకు సుపరిచితమే. గతంలో ఎన్నో సినిమాల్లో హీరోగా, క్యారెక్టర్ ఆర్టిస్ట్ గా, విలన్ గా చేసిన ఇతను ఇప్పటికీ పలు సినిమాల్లో చిన్న చిన్న పాత్రలు చేస్తూనే మరోపక్క యంగ్ హీరోలు రాజ్ తరుణ్, నిఖిల్ వంటి వారికి మేనేజర్‌గా వ్యవహరిస్తున్నాడు. అంతేకాదు చిన్న చిత్రాలకు ఎగ్జిక్యూటివ్ ప్రొడ్యూసర్‌గా పనిచేస్తున్నాడు. త్వరలో రిలీజ్ కాబోతున్న ‘తగ్గేదే లే’ అనే చిత్రానికి ఇతను ఎగ్జిక్యూటివ్ ప్రొడ్యూసర్ గా వ్యవహరించాడు.
ఇందులో నవీన్ చంద్ర హీరోగా నటిస్తున్నాడు. ‘దండుపాళ్యం’ వంటి చిత్రాన్ని తెరకెక్కించిన శ్రీనివాస్ రాజు ఈ చిత్రానికి దర్శకుడు.నవంబర్ 4న ఈ చిత్రం ప్రేక్షకుల ముందుకు రానుంది. ఈ క్రమంలో ఏర్పాటు చేసిన ప్రీ రిలీజ్ ఈవెంట్లో రాజా రవీంద్ర మాట్లాడుతూ యాంకర్ శ్యామల పై సెటైర్లు వేయడం హాట్ టాపిక్ అయ్యింది. ఎగ్జిక్యూటివ్ ప్రొడ్యూసర్ రాజా రవీంద్ర మాట్లాడుతూ “మా యంగ్ నిర్మాతలు ప్రేమ్, అఖిల్, సుబ్బారెడ్డి మంచి సినిమాలు తీయాలనే ఉద్దేశంతో ఇండస్ట్రీకి ఎంట్రీ ఇచ్చారు.
వాళ్లు తలుచుకుంటే ‘బాహుబలి’ లాంటి పది సినిమాలు తీయగలరు కానీ మనకు వద్దు.. మంచి కంటెంట్ ఉన్న సినిమాలు తీస్తే చాలు అనుకుంటున్నారు.. అందుకే ఈ ‘తగ్గేదేలే’ తీశారు. కరోనాలో ఎంతో కష్టపడి ఈ సినిమా తీశాం. భద్ర ప్రొడక్షన్ కంపెనీ, నిర్మాతలు మా అందరినీ ఎంతో బాగా చూసుకున్నారు.వ్యాక్సిన్ లు వేయించడం… అందరికీ ముందే పేమెంట్స్ ఇచ్చేయడం వంటివి చేశారు. కాస్ట్ అండ్ క్రూ ని సొంత మనుషుల్లా చూసుకున్నారు.
ఎంతో మంది టెక్నీషియన్స్ కి ఈ బ్యానర్ ద్వారా లైఫ్ దొరుకుతుంది. కాబట్టి నిర్మాతలకు థాంక్యూ.. థాంక్యూ వెరీ మచ్. ముఖ్యంగా శ్యామలా ఆంటీకి కూడా థాంక్యూ. ” అంటూ చివర్లో శ్యామల పై కౌంటర్ వేశాడు. ఆ వెంటనే శ్యామల ‘నేనే ఆంటీ అంటే మీరు తాతయ్య అయిపోయినట్టే’ అంటూ రాజారవీంద్రకి రివర్స్ పంచ్ ఇచ్చింది యాంకర్ శ్యామల. ఇటీవల అనసూయ రేపిన ఆంటీ వివాదం ఎంత పాపులర్ అయ్యిందో ప్రత్యేకంగా చెప్పనక్కర్లేదు.
Most Recommended Video
‘పుష్ప 2’ తో పాటు 2023 లో రాబోతున్న సీక్వెల్స్!
చిరు టు వైష్ణవ్.. ఓ హిట్టు కోసం ఎదురుచూస్తున్న టాలీవుడ్ హీరోల లిస్ట్..!
రూ.200 కోట్లు టు రూ.500 కోట్ల బడ్జెట్ తో రూపొందిన ఇండియన్ సినిమాల లిస్ట్..!
Home