ఎన్టీఆర్ కి జక్కన్న నో…

టాలీవుడ్ టాప్ హీరో యంగ్ టైగర్ ఎన్టీఆర్…టాలీవుడ్ టాప్ డైరెక్టర్, ఇప్పటివరకూ ఫ్లాప్ అన్న పదం వినని దర్శకుడు రాజమౌళి వీళ్ళిద్దరితో ఒక సినిమా పడితే, ఇప్పటివరకూ ఉన్న రికార్డులన్నీ సర్దుకుని షెడ్ కి వెళ్ళి పోవాల్సిందే. ఇంతకీ విషయం ఏమిటంటే…దర్శక ధీరుడు రాజమౌళి యంగ్ టైగర్ ఎన్టీఆర్ కాంబినేషన్ లో స్టూడెంట్ నెం.1, సింహాద్రి చిత్రం తర్వాత యమదొంగ సెన్సేషనల్ హిట్ అయ్యాయి.

ఒక రకంగా చెప్పాలంటే ఎన్టీఆర్ కెరీర్ మలుపు తిప్పిన చిత్రాలు కూడా ఇవే అని చెప్పొచ్చు. అయితే  ఈ ఆగస్థు 8కి రాజమౌళి ఎన్టీఆర్ కాంబినేషన్ లో వచ్చిన యమదొంగ చిత్రానికి 8ఏళ్లు నిండుతాయి. అయితే మధ్య వీళ్ళిద్దరూ మరొక సినిమా చేస్తున్నారు అని టాక్ బలంగా వినిపించింది. అయితే జక్కన్న కూడా చెన్నై లో జరిగిన ఒక ప్రోగ్రామ్ లో నెక్స్ట్ మూవీ తారక్ తోనే అని చెప్పేసాడు. కానీ ఏం జరిగిందో ఏమో తెలీదు కానీ, మొత్తానికి తారక్ కు నో చెప్పి జక్కన్న మరో హీరోతో సినిమా తీసేందుకు రెడీ అవుతున్నాడు.

వివరాల్లోకి వెళితే…ప్రస్తుతం బాహుబలి 2 సినిమా బిజీలో తలమునకలై పోతున్న రాజమౌళి ఆ సినిమా తరువాత తలైవార్ రజనీకాంత్ తో ఒక సినిమా చేసేందుకు రెడీ అయిపోతున్నాడు. ఫిల్మ్ నగర్ నుంచి వినిపిస్తున్న వార్తల ప్రకారం…రజిని రోబో.2  తర్వాత  రాజమౌళి తో సినిమా చేయటానికి అంగీకరించినట్టు తెలుస్తుంది. మరి ఏది ఎంతవరకూ నిజమో తెలీదు కానీ, మొత్తానికైతే జక్కన్న, ఎన్టీఆర్ కాంబినేషన్ రావాలంటే మాత్రం మరో 2-3ఏళ్లు ఆగల్సిందే.