దర్శకధీరుడు ఎస్.ఎస్. రాజమౌళి కొడుకు కార్తికేయ మంచి ప్రతిభావంతుడు. సినిమా మేకింగ్ వీడియోస్ ని అద్భుతంగా ఎడిట్ చేయడంలో దిట్ట. తన తండ్రి లాగే తెర వెనుక బాగా కష్టపడతాడు. అనేక సినిమాలకు దర్శకత్వ విభాగంలో పని చేసిన కార్తికేయ బాహుబలి బిగినింగ్ మూవీ సెకండ్ యూనిట్ డైరక్టర్ గా క్రెడిట్ అందుకున్నారు. బాహుబలి కంక్లూజన్ కోసం కూడా బాగా శ్రమిస్తున్నారు. ఈ చిత్రం తర్వాత కార్తికేయ సొంతంగా చిత్రాన్ని డైరక్ట్ చేస్తారని అందరూ అనుకున్నారు. కానీ అతని రూట్ మారిందని వార్తలు వినిపిస్తున్నాయి. తాజాగా అందిన సమాచారం ప్రకారం కార్తికేయ హీరో గా ఎంట్రీ ఇవ్వడానికి శిక్షణ తీసుకుంటున్నారు.
అతను కోసం ఇప్పుడే హీరోయిన్ సెలక్షన్ కూడా జరిగిపోతుంది. టాలీవుడ్ క్రేజీ బ్యూటీ రకుల్ ప్రీత్ సింగ్ తో కార్తికేయ తెరపైన రొమాన్స్ చేయనున్నారు. ఈ చిత్రానికి రాజమౌళి డైరక్షన్ టీమ్లో ఉన్న ఒకరు డైరక్షన్ చేయనున్నారు. కొడుకు సినిమా కోసం రాజమౌళి ప్రత్యక్షంగా పనిచేయకపోయినా, పర్వవేక్షించనున్నట్లు తెలిసింది. తెర వెనుక ఉండి మంచి టెక్నీషియన్లుగా పేరుతెచ్చుకున్న జక్కన్న ఫ్యామిలీ, తెర మీద కూడా ఆ హవా కొనసాగిస్తారా? లేదో ? మరికొన్ని రోజుల్లో తెలిసిపోనుంది.
Also, do SUBSCRIBE to our YouTube channel to get latest Tollywood updates.
