ఎనర్జిటిక్ స్టార్ రామ్ (Ram) వరుస ప్లాపులతో సతమతమవుతున్నాడు. ‘ఇస్మార్ట్ శంకర్’ (iSmart Shankar) తో వచ్చిన మాస్ ఇమేజ్ ని కాపాడుకోవాలని అతను ‘ది వారియర్’ (The Warriorr) ‘స్కంద’ (Skanda) ‘డబుల్ ఇస్మార్ట్’ (Double Ismart) వంటి మాస్ సినిమాలు చేశాడు. అయితే వాటిని లింగుస్వామి (N. Lingusamy) , పూరీ జగన్నాథ్ (Puri Jagannadh) వంటి ఫేడౌట్ దశకి దగ్గరగా ఉన్న హీరోలు డైరెక్ట్ చేస్తున్నారని మర్చిపోయినట్టు ఉన్నాడు.భారీ అంచనాల నడుమ రిలీజ్ అయిన ఆ సినిమాలు డిజాస్టర్స్ గా మిగిలిపోయాయి. దీంతో ఇప్పుడు ఆలోచనలో పడ్డాడు రామ్.
ఈ క్రమంలో ‘మిస్ శెట్టి మిస్టర్ పోలిశెట్టి’ (Miss Shetty Mr Polishetty) సినిమాతో హిట్టు కొట్టిన దర్శకుడు మహేష్ బాబు (Mahesh Babu P) …తో ఓ సినిమా చేయడానికి కమిట్ అయ్యాడు. ‘మైత్రి మూవీ మేకర్స్’ సంస్థ ఈ చిత్రాన్ని నిర్మించనుంది. కాంబినేషన్ పరంగా చూసుకుంటే మంచి ప్రాజెక్టు ఇది. కథ ప్రకారం ఈ సినిమాలో ఓ సీనియర్ స్టార్ హీరోకి కూడా ఛాన్స్ ఉందట. అందుకోసం బాలకృష్ణని (Nandamuri Balakrishna) సంప్రదించారు ‘మైత్రి’ వారు..! కానీ బాలకృష్ణ ఇప్పుడు బాబీ సినిమాపైనే ఫుల్ ఫోకస్ పెట్టాడు.
తర్వాత మోక్షజ్ఞ డెబ్యూ మూవీకి టైం కేటాయించాలని అనుకుంటున్నాడు. కాబట్టి రామ్ తో సినిమాకి అతను సముఖంగా లేడు. బాలయ్య అనే కాదు.. సీనియర్ స్టార్ హీరోలు.. ఇలాంటి రోల్స్ చేయడానికి పెద్దగా ఇంట్రెస్ట్ చూపించరు. ఈ విషయాన్ని గ్రహించి స్క్రిప్ట్..లో కొంచెం మార్పులు చేసి ఆ పాత్ర నిడివి తక్కువ వచ్చేలా చేశారట.
అయితే ఇటీవల మైత్రి వారు రజినీకాంత్ ని (Rajinikanth) సంప్రదించారట. పాత్ర నచ్చడంతో ఆయన చేయడానికి ఓకే చెప్పినట్టు ఇన్సైడ్ టాక్. మరి ఇందులో ఎంతవరకు నిజముందో తెలియాల్సి ఉంది. ఒకవేళ నిజమే అయితే ఆ పాత్ర నిడివి పెంచాల్సి రావచ్చు అని వినికిడి.
