Rajinikanth: ‘కంగువ’ నా కోసం రాశారేమో.. ఆసక్తికరంగా రజనీకాంత్‌ వ్యాఖ్యలు!

కోలీవుడ్‌లో ఇప్పుడు ఎవరిని కదపుతున్నా రెండు విషయాల గురించే మాట్లాడుతున్నారు. ఒకటి సూర్య (Suriya)   ‘కంగువ’ (Kanguva) సినిమా. రెండోది విజయ్‌ రాజకీయ అరంగేట్రం. గత కొన్ని రోజులుగా ఎక్కడ చూసినా అదే టాక్‌. రెండో విషయంలో ఇప్పుడు చెప్పేదేం లేదు కానీ.. తొలి విషయంలో కాస్త సమాచారం ఉంది. ఆ సినిమా గురించి స్టార్‌ హీరో చేసిన ఆసక్తికర వ్యాఖ్యలూ ఉన్నాయి. ప్రస్తుతం భారతీయ సినిమాలో అతి పెద్ద సినిమా అంటే ‘కంగువ’ అనే చెప్పాలి.

Rajinikanth

సూర్య హీరోగా శివ తెరకెక్కించిన ఈ సినిమా నవంబరు 14న భారీ స్థాయిలో విడుదల కాబోతోంది. ఇది తమిళ సినిమానే అయినా.. తెలుగు, హిందీలోనూ భారీ స్థాయిలో రిలీజ్‌ చేయాలని చూస్తున్నారు. అందుకే వివిధ నరగాల్లో సినిమాకు ప్రచారం చేస్తున్నారు. ఈ క్రమంలో సినిమా గురించి రజనీకాంత్‌ ఓ స్పెషల్‌ వీడియోను రిలీజ్‌ చేశారు. అందులోనే సినిమా గురించి ఆసక్తికర కామెంట్స్‌ కూడా చేశారు. చెన్నైలో తమిళ వెర్షన్ ఆడియో వేడుకకు రజనీకాంత్ (Rajinikanth)  ముఖ్య అతిథిగా హాజరు కావాల్సి ఉంది.

అయితే ‘కూలి’ (Coolie) సినిమా షూటింగ్‌లో ఆయన బిజీగా ఉండడంతో రాలేకపోయారు. దీంతో వీడియో సందేశాన్ని పంపించారు. అందులో రజనీ సినిమా టీమ్‌ గురించి, సినిమా గురించి మాట్లాడారు ‘అన్నాత్తె’ (Annaatthe) సినిమా చేసేటపుడు తాను, శివ  (Siva)  (Siva) కలిసి ఒక పీరియడ్ సినిమా చేస్తే బాగుంటుందని అనుకున్నాం అని, ఇప్పుడు ‘కంగువ’ సినిమా గురించి వింటుంటే.. ఆ కథ తన కోసమే రాసి ఉంటారని తలైవా నవ్వుతూ అన్నాడు. అంతేకాదు చివరికి సూర్య, జ్ఞానవేల్ రాజా  (K. E. Gnanavel Raja)  దగ్గరికి ఆ కథ వెళ్లిందేమో అని కూడా అన్నారు రజనీకాంత్ (Rajinikanth).

సరదాగా ఆయన చేసి వ్యాఖ్యలు ఇప్పుడు వైరల్‌ అవుతున్నాయి. ‘కంగువ’ సినిమా ట్రైలర్ అద్భుతంగా ఉందని, సూర్య గొప్ప నటుడని అని పొగిడేసిన రజనీ.. టీమ్‌కు మంచి విజయం దక్కాలని ఆకాంక్షించారు. ‘కంగువ’ సినిమా దసరా కానుకగా అక్టోబరు 10న విడుదల కావాల్సి ఉంది. అయితే రజనీ సినిమా ‘వేట్టయన్’ (Vettaiyan)  కూడా అదే డేట్‌కి ఉండటంతో సూర్య తమ సినిమాను వాయిదా వేయించిన సంగతి తెలిసిందే.

మరో టాలీవుడ్ హీరో విడాకులు తీసుకోబోతున్నాడా?