రెబల్ స్టార్ ప్రభాస్ తో నటించాలని చాలామంది హీరోయిన్స్ ఆశపడుతుంటారు. బాహుబలి చిత్రం తర్వాత బాలీవుడ్ బ్యూటీలు కూడా డార్లింగ్ కి జోడిగా నటించాలని కలలు కనే వారి జాబితా పెరిగింది. ఆ లిస్ట్ లో తాజాగా ఓ భామ చేరింది. ఆమె స్టార్ హీరోయిన్ రకుల్ ప్రీత్ సింగ్. ఈ సుందరి తెలుగులోని యువ హీరోలతో నటించి హిట్స్ అందుకుంది. రీసెంట్ గా మహేష్ బాబు తోను స్క్రీన్ షేర్ చేసుకుంది. అయితే ప్రభాస్ పక్కన ఛాన్స్ అందుకోలేకపోయింది. ప్రస్తుతం తమిళ సినిమాలతోబిజీగా ఉంది.
కార్తి, సూర్య, శివకార్తికేయన్ సినిమాలలో జోడిగా నటిస్తోంది. హిందీలోను అజయ్ దేవగణ్తో ఓ సినిమా చేస్తోంది. రీసెంట్ గా ఆమె అభిమానులకు పెద్ద సర్ప్రైజ్ ఇచ్చింది. తన పేరుతో మొబైల్ యాప్ను ప్రారంభించింది. దీని ద్వారా అభిమానులు ఆమెకు సంబంధించిన విశేషాలను సులభంగా తెలుసుకోవచ్చు. ఈ సందర్భంగా ఆమె అనేక విషయాలు పంచుకుంది. తనకు ప్రభాస్ తో నటించాలని ఉందని మనసులోని మాటను బయటపెట్టింది. ప్రస్తుతం ప్రభాస్ సుజీత్ దర్శకత్వంలో సాహో సినిమా చేస్తున్నారు. ఇందులో హీరోయిన్ గా శ్రద్ధ కపూర్ నటిస్తోంది. ఈ చిత్రం తర్వాత రాధాకృష్ణ డైరక్షన్లో సినిమాకి ఒకే చెప్పారు. ఇందులో ప్రభాస్ పక్కన పూజా హెగ్డే ఫిక్స్ అయింది. ఆ తర్వాత సినిమాలోనైనా రకుల్ ఛాన్స్ అందుకుంటుందేమో చూడాలి.
