ఫిట్ బ్యూటీ రకుల్ ప్రీత్ సింగ్ టాలీవుడ్ లో టాప్ హీరోయిన్ గా ఎదుగుతోంది. ప్రస్తుతం సూపర్ స్టార్ మహేష్ బాబు, మెగా పవర్ స్టార్ రామ్ చరణ్ తేజ్ తో సినిమాలు చేస్తున్న ఈ భామకు కోలీవుడ్ నుంచి కూడా భారీ ఆఫర్లు వస్తున్నాయి. కొంతకాలం క్రితం విశాల్ కి జోడిగా తమిళ చిత్రంలో నటించేందుకు రకుల్ సంతకం చేసింది.
తుప్పరివాలన్ అనే ఈ మూవీ వచ్చే నెలలో ప్రారంభం కానుంది. అదే సమయంలో తాను ఒప్పుకున్న బోయపాటి శ్రీను చిత్రం సెట్స్ మీదకు వెళ్లనుంది. ఇందులో బెల్లంకొండ శ్రీనివాస్ హీరోగా నటిస్తున్నాడు. ఈ రెండు చిత్రాలకు కొన్ని డేట్లు క్లాష్ అవుతున్నాయి. సినిమా షూటింగ్ ని పోస్ట్ పోన్ చేయడం వీలుకాదని తుప్పరివాలన్ టీమ్ చెప్పడంతో రకుల్ చేసేది లేక ఈ చిత్రానికి గుడ్ బై చెప్పింది. దీంతో విశాల్ కి కొత్త హీరోయిన్ ని వెతికే పనిలో తుప్పరివాలన్ టీమ్ పడింది.
