సంక్రాంతి పోటీ నుంచి తప్పుకున్న రామ్ చరణ్, మహేష్ బాబు!

ఈ సంవత్సరం బాలకృష్ణ, చిరంజీవి సినిమాల మధ్య యుద్ధం జరిగింది. ఖైదీ నంబర్ 150 , గౌతమి పుత్ర శాతకర్ణి చిత్రాలు రెండూ విజయం సాధించాయి. వచ్చే ఏడాది సంక్రాంతికి కూడా బాలకృష్ణ బరిలో దిగుతున్నాడు. అయితే ఈసారి మెగాస్టార్ తో కాకుండా పవర్ స్టార్ తో బాలకృష్ణ పోటీ పడనున్నాడు. ఎందుకంటే మాటల మాంత్రికుడు త్రివిక్రమ్ శ్రీనివాస్ దర్శకత్వంలో పవన్ చేస్తున్న మూవీ 2018 జనవరి 10 న రిలీజ్ కానున్నట్లు చిత్ర బృందం స్పష్టం చేసింది. దీంతో సంక్రాంతికి వద్దామనుకున్న రామ్ చరణ్ వెనక్కి తగ్గినట్లు తెలిసింది.

సుకుమార్ దర్శకత్వంలో చెర్రీ రంగస్థలం 1985 మూవీ చేస్తున్నారు. దీన్ని పెద్ద పండుగకు విడుదల చేయాలనుకున్నారు. కానీ బాబాయ్ సినిమాకి పోటీ రావడం ఇష్టం లేక పోస్ట్ పోన్ చేసుకున్నారు. అలాగే మహేష్ బాబు, కొరటాల శివ కాంబినేషన్లో తెరకెక్కుతోన్న భరత్ అనే నేను మూవీ  సంక్రాంతికి రావటం లేదని తెలిసింది. సో పవన్, బాలకృష్ణ మధ్య వార్ డిసైడ్ అయిపోయింది. ఫలితం ప్రేక్షకుల చేతిలో ఉంది.

Also, do SUBSCRIBE to our YouTube channel to get latest Tollywood updates.