సిద్ధమవుతోన్న రామ్ చరణ్, బోయపాటి మూవీ ఫస్ట్ లుక్

మెగా పవర్ స్టార్ రామ్ చరణ్ తేజ్ రంగస్థలం తర్వాత బోయపాటి శ్రీను దర్శకత్వంలో భారీ యాక్షన్ చిత్రం చేస్తున్న సంగతి తెలిసిందే. బాలీవుడ్ బ్యూటీ కైరా అద్వానీ హీరోయిన్ గా నటిస్తున్న ఈ మూవీ వేగంగా షూటింగ్ జరుపుకుంటోంది. ఈ చిత్ర టైటిల్, ఫస్ట్ లుక్ ని మెగాస్టార్ చిరంజీవి పుట్టినరోజు ఆగస్టు 22 న రిలీజ్ చేస్తారని, పవన్ కళ్యాణ్ పుట్టినరోజు సందర్భంగా సెప్టెంబర్ 2 న రిలీజ్ చేస్తారని అభిమానులు ఆశపడ్డారు. కానీ టైటిల్ కూడా రివీల్ కాలేదు. దీంతో ఫ్యాన్స్ అసహనం వ్యక్తం చేశారు. అభిమానుల ఆగ్రహాన్ని తెలుసుకున్న రామ్ చరణ్ వారిని కూల్ చేయాలనీ భావిస్తున్నారు. వినాయక చవితి సందర్భంగా తన మూవీ ఫస్ట్ లుక్ ని రిలీజ్ చేయాలని నిర్ణయించుకున్నారు. అందుకు తగ్గ పనులు మొదలయినట్టు సమాచారం.

ఈనెల 13 న ఫస్ట్ లుక్ తో పాటు టైటిల్ రివీల్ కానుంది. ప్రస్తుతం ఈ మూవీ షూటింగ్ ఐరోపాలో జరుగుతోంది. అక్కడి “అజర్ బైజాన్” అనే ప్రాంతంలో 25 రోజుల పాటు షూటింగ్ జరుగనుంది. ప్రధానమైన పాత్రలకి సంబంధించిన కొన్ని కీలకమైన సన్నివేశాలను అక్కడ చిత్రీకరించనున్నారు. ఈ సన్నివేశాలు సినిమాలో హైలైట్ గా నిలుస్తాయని సమాచారం. రాజవంశస్థుల నేపథ్యంలో తెరకెక్కనున్న సినిమాలో రామ్ చరణ్ కి అన్నయ్యలుగా తమిళ హీరో ప్రశాంత్‌, నవీన్‌ చంద్ర, ఆర్యన్ రాజేష్ నటిస్తున్నారు. చెర్రీ కి వదినలుగా అలనాటి హీరోయిన్ స్నేహ, అనన్య (‘జర్నీ’ ఫేం), హిమజలు కనిపించనున్నారు. విలన్ గా బాలీవుడ్ హీరో వివేక్ ఓబరాయ్ పోటీపడుతున్నారు. రాక్ స్టార్ దేవీ శ్రీ ప్రసాద్ సంగీతమందిస్తున్న ఈ మూవీ సంక్రాంతికి థియేటర్లోకి రానుంది.