దర్శక ధీరుడు రాజమౌళి ఎంతో ప్రతిష్టాత్మకంగా తెరకెక్కించిన బిగ్గెస్ట్ పాన్ ఇండియా మూవీ ఆర్ఆర్ఆర్ మొత్తానికి ప్రపంచ వ్యాప్తంగా నేడు విడుదలవుతోంది. ఈ రోజు కోసమే గత రెండేళ్లుగా నందమూరి మెగా అభిమానులు ఎంతో ఆతృతగా ఎదురుచూస్తున్నారు. ఇక మొత్తానికి ఈ సినిమా విడుదల తేదీ అయితే రానే వచ్చింది. ఇక ఈ సినిమాకు ప్రీమియర్ షోల ద్వారానే మంచి టాక్ ఐతే అందుతోంది. ఇక మొన్నటివరకు చిత్ర యూనిట్ సభ్యులు వరుస ఇంటర్వ్యూలతో సినిమా పై మరింత పాజిటివ్ వైబ్రేషన్స్ క్రియేట్ చేశారు.
ఇక ఈ సినిమాలో ఒక పవర్ఫుల్ ఆయుధం ఏమిటి అనే ప్రశ్న కూడా ఎదురయ్యింది. ఎందుకంటే రాజమౌళి ప్రతి సినిమాలో కూడా ఏదో ఒక స్పెషల్ ఆయుధమైతే ఉంటుంది. ఇక ఈ సినిమాలో అలాంటిది ఏమైనా ఉంటుందా అనే ప్రశ్నకు ఇటీవల నిర్వహించిన ఇంటర్వ్యూలో రామ్ చరణ్ తనదైన శైలిలో సమాధానం ఇచ్చాడు. ఈ సినిమాలో ప్రధానంగా ఉండే ఆయుధం ఒక ఎమోషన్ అని ఈ సినిమా కథలో ప్రతి క్యారెక్టర్ ను టచ్ చేసేది అది ఒకటే అని తెలియజేశాడు.
రాజమౌళి కెరీర్లోనే ఇది ఒక బెస్ట్ సినిమాగా నిలుస్తుంది అంటూ ఎమోషన్ కంటే మరొక పెద్ద ఆయుధం కూడా లేదని చరణ్ వివరణ ఇచ్చాడు. ఇక ఈ సినిమాలో యాక్షన్ సన్నివేశాలు అలాగే ఎమోషనల్ సన్నివేశాలు హైలెట్ గా నిలుస్తాయని ముఖ్యంగా ఇంటర్వెల్ బ్లాక్ అయితే మీరు ఎప్పుడు చూడని హై వోల్టేజ్ యాక్షన్ ను తలపిస్తుంది అని కూడా వివరణ ఇచ్చారు. ఇక ఈ సినిమాలో మొదట ఎవరు ఎంట్రీ అనే విషయంలో కూడా క్లారిటీ వచ్చేసింది.
రామ్ చరణ్ తేజ్ ఎంట్రీ ఇచ్చిన తర్వాత జూనియర్ ఎన్టీఆర్ ఎంట్రీ ఉంటుంది అని అర్ధమైపోయింది. ఇక ఈ సినిమా మొదటిరోజు ఈజీగా 150 కోట్లకు పైగా భారీ బాక్సాఫీస్ కలెక్షన్స్ అందుకుంటుందని సమాచారం.
Most Recommended Video
‘బాహుబలి’ కి ఉన్న ఈ 10 అడ్వాంటేజ్ లు ‘ఆర్.ఆర్.ఆర్’ కు లేవట..!
‘ఆర్.ఆర్.ఆర్’ మూవీ గురించి ఈ 11 ఇంట్రెస్టింగ్ విషయాలు మీకు తెలుసా?
‘పుష్ప’ తో పాటు బుల్లితెర పై రికార్డ్ టి.ఆర్.పి లు నమోదు చేసిన 10 సినిమాల లిస్ట్…?
