స్టార్ హీరో (Ram Charan) రామ్ చరణ్ కు గ్లోబల్ స్థాయిలో గుర్తింపు ఉంది. ఆర్ఆర్ఆర్ (RRR) సినిమా రామ్ చరణ్ ఇమేజ్ ను మార్చేసింది. ఈ సినిమాలోని రామరాజు పాత్రకు ఊహించని స్థాయిలో రెస్పాన్స్ వచ్చింది. పోలీస్ ఆఫీసర్ రోల్ లో రామ్ చరణ్ అదరగొట్టారనే చెప్పాలి. అయితే రామ్ చరణ్ గురించి పాకిస్తాన్ మీడియాలో సైతం చర్చ జరుగుతుండటం నెట్టింట హాట్ టాపిక్ అవుతోంది. అందుకు సంబంధించిన ఒక వీడియో నెట్టింట చక్కర్లు కొడుతోంది.
పాక్ మీడియాలోని ఒక ఛానల్ లో చరణ్ గురించి ప్రస్తావిస్తూ రామరాజు పాత్ర పోషించిన చరణ్ వేలమంది మధ్యలోకి వెళ్లి ఫైట్ చేసి తిరిగి అదే స్థానానికి వచ్చి నిలబడడం మైండ్ బ్లోయింగ్ గా అనిపించిందని చెప్పుకొచ్చారు. ట్విట్టర్ లో రామ్ చరణ్ అభిమాని ఈ వీడియోను షేర్ చేస్తూ తెగ వైరల్ చేస్తున్నారు. మరోవైపు ఈ నెల 27వ తేదీన ఈ సినిమా నుంచి జరగండి జరగండి సాంగ్ రిలీజ్ కానుందని తెలుస్తోంది.
నిర్మాత దిల్ రాజు (Dil Raju) సైతం చరణ్ పుట్టినరోజు కానుకగా (Game Changer) గేమ్ ఛేంజర్ కు సంబంధించిన అప్ డేట్ ఇస్తామని తెలిపారు. ఈ సినిమా రిలీజ్ డేట్ కు సంబంధించి క్లారిటీ కావాలని ఫ్యాన్స్ కోరుకుంటున్నారు. గేమ్ ఛేంజర్ సినిమాకు సంబంధించి ఆ క్లారిటీ వస్తుందో లేదో చూడాల్సి ఉంది. గేమ్ ఛేంజర్ సినిమాలో హీరోయిన్ గా కియారా అద్వానీ (Kiara Advani) నటిస్తున్నారు. వినయ విధేయ రామ (Vinaya Vidheya Rama) తర్వాత ఆమె తెలుగులో నటించిన మూవీ ఇదే కావడం గమనార్హం.
రామ్ చరణ్ గేమ్ ఛేంజర్ సినిమా కోసం దాదాపుగా మూడేళ్ల సమయం కేటాయిస్తుండగా ఆ కష్టానికి తగిన ఫలితం దక్కుతుందో లేదో చూడాల్సి ఉంది. రామ్ చరణ్ గేమ్ ఛేంజర్ సినిమా రిలీజ్ కోసం ఫ్యాన్స్ ఆసక్తిగా ఎదురుచూస్తున్నారు. రామ్ చరణ్ దిల్ రాజు కాంబో హిట్ కాంబో కాగా దిల్ రాజుకు నిర్మాతగా ఈ సినిమా మంచి లాభాలను అందిస్తుందేమో చూడాల్సి ఉంది.
భీమా సినిమా రివ్యూ & రేటింగ్!
వళరి సినిమా రివ్యూ & రేటింగ్!
