మెగా పవర్ స్టార్ రామ్ చరణ్ సినీ కెరీర్ లో ఎన్నో విజయాలు ఉన్నాయి. మగధీర, రంగస్థలం సినిమాలతో రెండు ఇండస్ట్రీ హిట్లను సొంతం చేసుకున్న రామ్ చరణ్ ఆర్ఆర్ఆర్ మూవీతో మరో బిగ్గెస్ట్ బ్లాక్ బస్టర్ హిట్ ను సొంతం చేసుకుంటారని ఫ్యాన్స్ కాన్ఫిడెన్స్ తో ఉన్నారు. అయితే రామ్ చరణ్ ఇన్ స్టాగ్రామ్ లో ఏకంగా 5 మిలియన్ల ఫాలోవర్లను సంపాదించుకున్నారు. భారీ స్థాయిలో ప్రజాదరణను సొంతం చేసుకున్న అతికొద్దిమంది నటులలో రామ్ చరణ్ కూడా చేరారు.
రామ్ చరణ్ ఈ రికార్డును సొంతం చేసుకోవడంతో ఫ్యాన్స్ చాలా సంతోషిస్తున్నారు. సోషల్ మీడియాలో రామ్ చరణ్ ఎక్కువగా యాక్టివ్ గా ఉండరనే సంగతి తెలిసిందే. అయినప్పటికీ చరణ్ ఖాతాలో అరుదైన రికార్డులు చేరుతున్నాయి. రామ్ చరణ్ నటించిన ఆర్ఆర్ఆర్ వాయిదా పడినా ఆచార్య సినిమా మాత్రం వచ్చే నెల 4వ తేదీన థియేటర్లలో రిలీజ్ కానుంది. చరణ్ శంకర్ కాంబో మూవీ కూడా ఈ ఏడాది రిలీజయ్యే అవకాశం ఉంది.
స్టైలిష్ గా కనిపించడానికి ఇష్టపడే రామ్ చరణ్ తాజాగా షేర్ చేసిన ఫోటోలో వెల్వెట్ బ్లాక్ జాకెట్ తో పాటు షూస్ ను ధరించి మరింత హ్యాండ్సమ్ గా కనిపిస్తున్నారు. గౌతమ్ తిన్ననూరి డైరెక్షన్ లో ఒక సినిమాకు కూడా చరణ్ గ్రీన్ సిగ్నల్ ఇచ్చారు. చరణ్ భవిష్యత్తు ప్రాజెక్టులన్నీ భారీ బడ్జెట్ తోనే తెరకెక్కుతున్నాయని సమాచారం. చరణ్ తన సినిమాల్లో బాలీవుడ్ హీరోయిన్లు నటించేలా జాగ్రత్తలు తీసుకుంటున్నారు. సినిమాసినిమాకు రామ్ చరణ్ కు క్రేజ్ పెరుగుతున్న సంగతి తెలిసిందే.
చరణ్ సుకుమార్ డైరెక్షన్ లో ఒక సినిమాకు గ్రీన్ సిగ్నల్ ఇచ్చారని వార్తలు ప్రచారంలోకి వస్తుండగా ఈ సినిమాకు సంబంధించి అధికారిక ప్రకటన వెలువడాల్సి ఉంది. రామ్ చరణ్ త్వరలో శంకర్ డైరెక్షన్ లో తెరకెక్కుతున్న సినిమా షూటింగ్ లో పాల్గొననున్నారు. ఈ ఏడాది దసరాకు ఈ సినిమా రిలీజయ్యే అవకాశం ఉందని వార్తలు వస్తున్నాయి.
Most Recommended Video
ఈ ఏడాది హీరోయిన్లుగా ఎంట్రీ ఇచ్చిన భామల లిస్ట్..!
ఈ ఏడాది ప్లాపుల నుండీ బయటపడ్డ హీరోలు ఎవరో తెలుసా?
ఈ ఏడాది వివాహం చేసుకున్న సినీ సెలబ్రిటీలు..!
