‘గేమ్‌ ఛేంజర్‌’ (Game Changer) సినిమా రిలీజ్‌ ఎప్పుడు? మొన్నీ మధ్య వరకు ఈ ప్రశ్నకు ఆన్సర్‌ తెలిసేది కాదు. అయితే ఓ సినిమా ఈవెంట్‌లో నిర్మాత దిల్‌ రాజు (Dil Raju) మాట్లాడుతూ ‘క్రిస్మస్‌కి వస్తున్నాం’ అంటూ స్వీట్‌ న్యూస్‌ చెప్పేశారు. అప్పటి నుండి చరణ్ (Ram Charan) ఫ్యాన్స్‌ ఫుల్‌ హ్యాపీ. క్రిస్మస్‌ డేట్‌కి కౌంట్‌డౌన్‌ వేసుకుంటూ సినిమా గురించి ఊహించేసుకుంటున్నారు. అయితే వారికి వినాయక చవితి స్పెషల్‌గా సినిమా టీమ్‌ షాక్‌ ఇచ్చింది. రామ్ చరణ్ – శంకర్ (Shankar) కాంబినేషన్‌లో రూపొందుతున్న సినిమా ‘గేమ్‌ ఛేంజర్‌’.
ఈ సినిమా అప్‌డేట్‌ గురించి చాలా రోజుల నుండి అభిమానులు వెయిట్‌ చేస్తున్నారు. దీని కోసం ఏకంగా ఎక్స్‌ (మాజీ ట్విటర్‌)లో పెద్ద ఎత్తున ట్రెండింగే చేశారు. దానికి రియాక్ట్‌ అయ్యారో, ముందే అనుకున్నారో ఏమో కానీ.. సినిమా కొత్త పోస్టర్‌ను ‘గేమ్‌ ఛేంజర్‌’ (Game Changer) టీమ్‌ రిలీజ్‌ చేసింది. దాంతోపాటు ఈ నెలలో రెండో సింగిల్‌ వస్తుంది అని కూడా చెప్పింది. అయితే, ఇక్కడే పెద్ద సమస్య వచ్చి పడింది.
మామూలుగా అయితే సినిమా పోస్టర్‌ మీద రిలీజ్‌ డేట్‌ కానీ, రిలీజ్‌ మంత్‌ కానీ, రిలీజ్‌ సిట్యువేషన్‌ కానీ వేస్తారు. ఈ సినిమాకు క్రిస్మస్‌ రిలీజ్‌ అంటున్నారు కాబట్టి ‘క్రిస్మస్‌ రిలీజ్‌’ అని వేయాలి. కానీ పోస్టర్‌ మీద చూస్తే ఎక్కడా ఆ దాఖలాలు లేవు. దీంతో సినిమా క్రిస్మస్‌కి రాదా? అంటూ అభిమానులు ప్రశ్నలు వేయడం మొదలుపెట్టారు. మరి ఈ విషయంలో నిర్మాత దిల్‌ రాజు ఏమంటారో చూడాలి.
నిజానికి సినిమా (Game Changer) షూటింగ్‌ అయిపోయిందని, పోస్ట్‌ ప్రొడక్షన్‌ వర్క్‌ మాత్రమే ఉందని గతంలో వార్తలొచ్చాయి. అయితే రీషూట్లు ఉన్నాయని, చరణ్ డేట్స్‌ కోసం శంకర్ అడిగారని ఇటీవల మళ్లీ వార్తలొచ్చాయి. దీంతో సినిమా రిలీజ్‌ డేట్‌ విషయంలో కూడా మార్పులొస్తాయేమో అనే చర్చ మొదలవుతుండగా.. ఇప్పుడు పోస్టర్‌ మీద రిలీజ్‌ డేట్‌ లేకపోవడం ఆసక్తికరంగా మారింది.
