Ram Charan: అలాంటి ప్రయోగం చేయబోతున్న రామ్ చరణ్!

October 17, 2021 / 05:59 PM ISTByFilmy Focus

Join Us

Ram Charan: అలాంటి ప్రయోగం చేయబోతున్న రామ్ చరణ్!

సుమంత్, ఆకాంక్ష సింగ్ కాంబినేషన్ లో మళ్లీ రావా అనే సినిమాను తెరకెక్కించి గౌతమ్ తిన్ననూరి తొలి ప్రయత్నంలోనే విజయాన్ని అందుకున్నారు. గౌతమ్ తన దర్శకత్వ ప్రతిభతో మళ్లీ రావా సినిమాతో విజయాన్ని సొంతం చేసుకున్నారు. ఈ సినిమా తర్వాత గౌతమ్ తిన్ననూరి డైరెక్షన్ లో జెర్సీ అనే సినిమా తెరకెక్కగా ఆ సినిమా బాక్సాఫీస్ వద్ద హిట్ గా నిలిచింది. ప్రస్తుతం గౌతమ్ షాహిద్ కపూర్ హీరోగా హిందీలో జెర్సీ సినిమాను తెరకెక్కిస్తున్నారు.

గత కొన్ని నెలలుగా చరణ్ గౌతమ్ కాంబినేషన్ లో ఒక సినిమా వస్తుందని ప్రచారం జరగగా ఆ ప్రచారం నిజమైంది. దసరా రోజున రామ్ చరణ్ 16వ సినిమాకు గౌతమ్ తిన్ననూరి డైరెక్టర్ అని అధికారిక ప్రకటన వచ్చింది. స్పై థ్రిల్లర్ బ్యాక్ డ్రాప్ లో ఈ సినిమా తెరకెక్కనుందని సమాచారం. 2023 సెకండాఫ్ లో ఈ సినిమా రిలీజయ్యే ఛాన్స్ ఉందని తెలుస్తోంది. శంకర్ సినిమాను పూర్తి చేసిన తర్వాత చరణ్ ఈ సినిమా షూటింగ్ లో పాల్గొననున్నారు.

చరణ్ గౌతమ్ కాంబో మూవీ మూడు డిఫరెంట్ టైమ్ లైన్స్ లో జరిగే మూవీ అని సమాచారం అందుతోంది. చరణ్ కొత్త తరహా కథాంశాలను ఎంచుకుంటూ సినిమాసినిమాకు సక్సెస్ రేట్ ను పెంచుకోవాలని భావిస్తున్నారు. చరణ్ తన సినిమాలు అన్ని వర్గాల ప్రేక్షకులకు నచ్చాలనే ఉద్దేశంతో యూనివర్సల్ అప్పీల్ ఉన్న సినిమాలకు మాత్రమే ఓకే చెబుతున్నారు. భారీ బడ్జెట్ తో ఈ సినిమా తెరకెక్కనుందని సమాచారం అందుతోంది.