రాజమౌళి దర్శకత్వంలో చేసిన ‘ఆర్.ఆర్.ఆర్’ తో పాన్ ఇండియా ఇమేజ్ ను సొంతం చేసుకున్నాడు చరణ్. ప్రస్తుతం శంకర్ దర్శకత్వంలో ఓ పాన్ ఇండియా మూవీ చేస్తున్న చరణ్.. ఆ తర్వాత గౌతమ్ తిన్ననూరి దర్శకత్వంలో ఓ చిత్రం చేయడానికి గ్రీన్ సిగ్నల్ ఇచ్చాడు. అయితే ఇప్పుడు మరో స్టార్ డైరెక్టర్ కు ఛాన్స్ ఇచ్చేందుకు చరణ్ ఉత్సాహం చూపిస్తున్నాడట. వివరాల్లోకి వెళితే.. కమల్ హాసన్ తో ‘విక్రమ్’ అనే చిత్రాన్ని తెరకెక్కించి బ్లాక్ బస్టర్ అందుకున్న దర్శకుడు లోకేష్ కనగరాజ్ కు చరణ్ ఛాన్స్ ఇచ్చే అవకాశాలు ఉన్నాయట.
గత వారం విడుదలైన ‘విక్రమ్’ మూవీ బాక్సాఫీస్ వద్ద ఊచకోత కోస్తుంది. తొలి వీకెండ్ కే రూ.150 కోట్ల వరకు గ్రాస్ వసూళ్లను రాబట్టింది. దీంతో ఒక్కసారిగా లోకేష్ కూడా పాన్ ఇండియా ఇమేజ్ ను సొంతం చేసుకున్నాడు. ‘విక్రమ్’ మూవీని ‘ఆర్.ఆర్.ఆర్’ ‘కె.జి.ఎఫ్ చాప్టర్ 2’ రేంజ్లో తెరకెక్కించాడు లోకేష్. ఆ సినిమాల రేంజ్లో కలెక్షన్స్ ను రాబడుతుందా లేదా అన్నది పక్కన పెడితే ‘విక్రమ్’ చూస్తున్నంత సేపు ఆ సినిమాలు చూస్తున్నప్పుడు కలిగిన ఫీలింగ్ కలుగుతుంది.
దీంతో లోకేష్ తో సినిమా చేయడానికి చరణ్ ఇంట్రెస్ట్ చూపిస్తున్నాడు. నిజానికి ‘మాస్టర్’ రిలీజ్ టైంలోనే చరణ్ కు ఓ కథ వినిపించాడు లోకేష్. అది చరణ్ కు నచ్చింది. దాదాపు ఈ కాంబో ఫిక్స్ అయ్యింది అని అంతా అనుకున్నారు. కానీ ‘మాస్టర్’ సినిమాకి బ్యాడ్ టాక్ నమోదవ్వడంతో చరణ్.. లోకేష్ స్క్రిప్ట్ ను పక్కకు పెట్టాడు.
కట్ చేస్తే ఇటీవల గౌతమ్ తెరకెక్కించిన ‘జెర్సీ'(హిందీ) ప్లాప్ అవ్వడం.. ‘విక్రమ్’ హిట్ అవ్వడంతో చరణ్ మనసు మార్చుకున్నాడు అని తెలుస్తుంది. అయితే ఈ ప్రాజెక్టుని నిర్మించడానికి ఏ నిర్మాత ముందుకు వస్తాడు అనేది ఆసక్తికరంగా మారింది.
Most Recommended Video
విక్రమ్ సినిమా రివ్యూ & రేటింగ్!
వెంకీ టు నితిన్… ఛాలెంజింగ్ పాత్రలు చేసిన 10 మంది హీరోల లిస్ట్
ప్రభాస్ టు నాని… నాన్ థియేట్రికల్ రైట్స్ రూపంలో భారీగా కలెక్ట్ చేసే హీరోలు..!
