సంక్రాంతికి అబ్బాయ్ సైడైపోయినట్లేగా..!

మెగా ఫ్యామిలీ సంబంధాలు ఇప్పుడిప్పుడే బలపడుతున్నాయి. మొన్న చిరంజీవి పుట్టినరోజునాడు పవన్ కళ్యాణ్ స్వయంగా అన్నయ్య ఇంటికి వచ్చి.. చిరుతో కొంత సమయం గడపడం జరిగింది. ఆ ఫోటోలు ఇవాళ సోషల్ మీడియాలో రేపిన సంచలనం అంతా ఇంతా కాదు. అన్నదమ్ములిద్దరూ ఆప్యాయంగా ఆలింగనం చేసుకొన్న సదరు ఫోటోను చూసి మురిసిపోని అభిమాని ఉండదు. అదే తరహాలో నేడు పవన్ కళ్యాణ్ పుట్టినరోజును పురస్కరించుకొని చిరంజీవి తన సతీమణి సురేఖతో కలిసి పవన్ కళ్యాణ్ తాజా చిత్రం షూటింగ్ స్పాట్ కి వెళ్ళడం, అక్కడ కుటుంబ సభ్యులందరూ కలిసి కొంత సమయం గడపడం మెగా అభిమానులను పులకరించేలా చేసింది.

అయితే.. కుటుంబ బంధాలు ఇప్పుడిప్పుడే అంతా సెట్ అవుతున్న సమయంలో ఇప్పుడో సమస్య వచ్చిపడింది. రామ్ చరణ్ కథానాయకుడిగా సుకుమార్ దర్శకత్వంలో తెరకెక్కుతున్న “రంగస్థలం” సంక్రాంతికి విడుదల కానుందన్న విషయం తెలిసిందే. కానీ.. ఇవాళ పవన్ కళ్యాణ్ యూనిట్ తమ సినిమా విడుదల తేదీని జనవరి 10కి ఫిక్స్ చేయడంతో.. అదే సంక్రాంతికి రావాలనుకొన్న రామ్ చరణ్ తన సినిమాని పోస్ట్ పోన్ చేసుకోవడం లేదా ప్రీపోన్ చేసుకోవడం కోసం సన్నద్ధమవుతున్నట్లు తెలుస్తోంది. మరి బాబాయ్ కోసం అబ్బాయ్ చేస్తున్న త్యాగానికి తగిన గుర్తింపు లభిస్తుందేమో చూడాలి.

Also, do SUBSCRIBE to our YouTube channel to get latest Tollywood updates.