చిరు మూవీ చరణ్ రీమేక్ చేస్తే హీరోయిన్ జాన్వీ అట..!

March 21, 2020 / 05:10 PM IST

Join Us

చిరు మూవీ చరణ్ రీమేక్ చేస్తే హీరోయిన్ జాన్వీ అట..!

చిరంజీవి కెరీర్ బెస్ట్ మూవీస్ లో జగదేకవీరుడు అతిలోక సుందరి ఒకటి. దర్శకుడు కె రాఘవేంద్ర రావు తెరకెక్కించిన ఈ ఎపిక్ బ్లాక్ బస్టర్ అప్పట్లో ఓ సంచలనం. ఇక ఇళయరాజా మ్యూజిక్ ఈ సినిమాను మరో స్థాయికి తీసుకెళ్లింది. కాగా ఈ సోసియో ఫాంటసీ మూవీని రీమేక్ చేయాలని ఎప్పటి నుండో మెగా అభిమానులలో ఉంది. ఇక హీరో రామ్ చరణ్ స్టార్ గా ఎదిగాక ఈ చిత్రం ఆయనతో చేస్తే చాల బాగుంటుందని ఫ్యాన్స్ ఎప్పటినుండో కోరుకుంటున్నారు. చాల సందర్భాలలో దీని గురించి చరణ్ ని అడుగగా ఆయన కూడా సుముఖత చూపారు. తండ్రి గారి సినిమాలో నటించడానికి ఎప్పుడూ సిద్దమే అని చరణ్ చెప్పడం జరిగింది.

Ram Charan To Romance With Jhanvi Kapoor In That Remake1

ఇక తాజాగా చిరంజీవి పెద్ద కుమార్తె సుస్మితను అడుగగా ఆమె ఆసక్తికర సమాధానం చెప్పారు. నాన్నగారు నటించిన గొప్ప చిత్రాలలో ఒకటైన జగదేక వీరుడు అతిలోక సుందరి రామ్ చరణ్ తో రీమేక్ చేయాలని ఎప్పటి నుండో అనుకుంటున్నాము. ఇక ఈ చిత్రంలో శ్రీదేవిగా జాన్వీ కపూర్ నటించాలని ఆమె చెప్పారు. శ్రీదేవి చేసిన దేవలోకపు యువరాణి పాత్రలో జాన్వీ చాల బాగుంటుంది అని సుస్మిత అన్నారు. రాజాగా చరణ్ ఇంద్రజగా జాన్వీ తెరపై కనిపిస్తే ఫ్యాన్స్ కి పండగే అని చెప్పాలి. మరి ఈ క్రేజీ ప్రాజెక్ట్ ఎప్పుడు పట్టాలెక్కుతుందో చూడాలి. రామ్ చరణ్ ప్రస్తుతం ఆర్ ఆర్ ఆర్ లో నటిస్తున్నారు. ఈ చిత్రంలో ఆయన అల్లూరి పాత్ర చేస్తుండగా జనవరి 8, 2021లో విడుదల కానుంది.