ఆంధ్రాలో ఎన్నికల రిజల్ట్స్ ఒక్కొక్కటిగా వెలువడుతున్న తరుణంలో నిన్నటివరకూ ఉన్న సమీకరణాలన్నీ మారిపోతూ వస్తున్నాయి. అసలు ఎవరూ ఊహించని విధంగా జగన్ ముందంజలో నిలవడంతో చంద్రబాబు నాయుడ్ని అందరూ ఆడుకోవడం మొదలెట్టారు. అందరూ ట్రోల్ చేయడం ఒకలెక్క, నేను ట్రోలింగ్ లెవల్ ఒక లెక్క అన్నట్లు.. ఆర్జీవీ తన సోషల్ మీడియా ఎకౌంట్స్ ద్వారా చంద్రబాబును టార్గెట్ చేస్తూ ఉదయం నుంచీ వరుస పోస్ట్ లు పెడుతూనే ఉన్నాడు. ముఖ్యంగా తన చిత్రం “లక్ష్మీస్ ఎన్టీఆర్”ను ఆంధ్రాలో విడుదల చేయనివ్వకుండా చంద్రబాబు ఆపాడని కోపంతో ఊగిపోతున్న ఆర్జీవీ లిమిట్ క్రాస్ చేసి మరీ ఏదో వై.ఎస్.ఆర్.సి.పి ఫ్యాన్ లా మీమ్స్ పోస్ట్ చేస్తున్నాడు.
ఇది సరిపోదన్నట్లు ఆల్రెడీ ఆన్ లైన్ లో కూడా అందుబాటులో ఉన్న “లక్ష్మీస్ ఎన్టీఆర్”ను ఇప్పుడు ఆంధ్రాలో వచ్చే వారం అనగా మే 31న విడుదల చేయనున్నాడు ఆర్జీవీ. ఆ సినిమాను చంద్రబాబుకు రిటర్న్ గిఫ్ట్ అని చెబుతుండడం విశేషం. అసలే ఎన్నికల్లో ఊహించని విధంగా ఓడిపోతున్నందుకు బాధపడుతున్న చంద్రబాబుకు ఆర్జీవి నెత్తి మీద బొప్పిలా తయారయ్యాడు.
