RGV: మనోజ్‌ బాజ్‌పాయ్ పై ఆర్జీవీ ప్రశంసలు!

సంచలన దర్శకుడు రామ్ గోపాల్ వర్మ వివాదాస్పద కామెంట్స్ చేస్తూ తరచూ వార్తల్లో నిలుస్తుంటారు. సినీ, రాజకీయ అంశాలపై స్పందిస్తూ తన అభిప్రాయాలను చెబుతుంటాడు. ఆయన ఎప్పుడు ఎవరిని తిడతారో.. ఎవరిని పోగుతారో అర్ధం చేసుకోవడం కష్టం. తాజాగా ఈ దర్శకుడు ‘ది ఫ్యామిలీ 2’ సిరీస్ పై ప్రశంసలు కురిపించడం విశేషం. ఒక రియలిస్టిక్ జేమ్స్ బాండ్ ఫ్రాంచైజీ దూసుకుపోవడానికి ఫ్యామిలీ మ్యాన్ 2 మంచి అవకాశం ఇచ్చిందని చెప్పాడు వర్మ.

ఫ్యామిలీ డ్రామా, యాక్షన్, ఎంటర్టైన్మెంట్ కలగలిపి ఉందని.. ఫ్యామిలీ మ్యాన్ ను రియలిస్టిక్ గా, డ్రమాటిక్ నటుడు మనోజ్ బాజ్‌పాయ్ తన నటనతో అద్భుతంగా మలిచాడంటూ ప్రశంసలు కురిపించాడు. వర్మ గతంలో మనోజ్ తో కలిసి పని చేశారు. ఆయన తెరకెక్కించిన ‘సత్య’ సినిమాలో మనోజ్ బాజ్‌పాయ్ ముఖ్య పాత్ర పోషించారు. ఈ సినిమాతో మనోజ్ నేషనల్ అవార్డు సైతం అందుకున్నారు.

ఇక ఫ్యామిలీ మ్యాన్ సిరీస్ విషయానికొస్తే రాజ్ అండ్ డీకే రూపొందించిన ఈ సిరీస్ వివాదాల మధ్య అమెజాన్ లో విడుదలైంది. ఈ సిరీస్ కు అన్ని వర్గాల నుండి మంచి రెస్పాన్స్ వస్తోంది. సమంత, మనోజ్ బాజ్‌పాయ్ ల పెర్ఫార్మన్స్ కు నెటిజన్లు ఫిదా అయిపోయారు.

Most Recommended Video

ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!