హీరోలందరికీ తమ కెరీర్ లో ఒక్కసారైనా పోలీస్ ఆఫీసర్ గా కనిపించాలనేది కోరిక. హీరోయిజాన్ని ఎలివేట్ చేయడానికి మంచి స్కోప్ ఉన్న క్యారెక్టర్ ఇది. టాలీవుడ్ లో ఒకప్పటి స్టార్ హీరోలు చిరంజీవి, బాలకృష్ణ, నాగార్జున, వెంకటేష్ లు పోలీస్ పాత్రల్లో కనిపించి మాస్ ఆడియన్స్ ను ఆకట్టుకున్నారు. పవన్ కళ్యాణ్, మహేష్ బాబు, రవితేజ లాంటి హీరోలు కూడా ఖాకీ బట్టల్లో మెరిశారు. ఇక ఈ జెనరేషన్ హీరోలు రామ్ చరణ్, ఎన్టీఆర్, అల్లు అర్జున్ లు కూడా పోలీస్ గెటప్పుల్లో కనిపించారు.
ఇప్పుడు మరో యంగ్ హీరో రామ్ కూడా పోలీస్ గెటప్ వేయడానికి రెడీ అవుతున్నాడు. చాలా కాలంగా ప్రేమ కథలను ఎంపిక చేసుకుంటూ లవర్ బాయ్ ఇమేజ్ తెచ్చుకున్న హీరో రామ్.. ‘ఇస్మార్ట్ శంకర్’ సినిమాతో మాస్ ఆడియన్స్ ని ఎంటర్టైన్ చేశాడు. ‘రెడ్’ సినిమాతో అతడి ఇమేజ్ మారింది. దీంతో మాస్, రఫ్ క్యారెక్టర్స్ లో రామ్ ని చూడడానికి ప్రేక్షకులు ఆసక్తి చూపుతున్నారు. ఈ క్రమంలో తమిళ దర్శకుడు లింగుస్వామి.. రామ్ ని పోలీస్ పాత్రలో చూపించడానికి రెడీ అవుతున్నాడు.
ఇటీవల వీరిద్దరి కాంబినేషన్ లో సినిమా అనౌన్స్ చేసిన సంగతి తెలిసిందే. ఇందులో రామ్ పవర్ ఫుల్ పోలీస్ ఆఫీసర్ గా దర్శనమివ్వబోతున్నాడని సమాచారం. దర్శకుడు లింగుస్వామి గతంలో తెరకెక్కించిన ‘వేట్టై’ సినిమాలో పోలీస్ క్యారెక్టర్ ని బాగా డిజైన్ చేశాడు. అదే అనుభవంతో రామ్ ని పోలీస్ గెటప్ లో చూపించడానికి రెడీ అవుతున్నాడు. పాన్ ఇండియా స్థాయిలో ఈ సినిమాను తెరకెక్కించడానికి ప్లాన్ చేస్తున్నారు.
Most Recommended Video
వైల్డ్ డాగ్ సినిమా రివ్యూ & రేటింగ్!
సుల్తాన్ సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!
