‘రెడ్’ మూవీ మలయాళం రిలీజ్ డేట్ ఫిక్స్..!

‘ఇస్మార్ట్ శంకర్’ తో రామ్ క్రేజ్ డబుల్ అయ్యింది అనే చెప్పాలి. ఆ చిత్రానికి ముందు రామ్ సినిమా అంటే.. ‘ఎదో లవ్ స్టోరీలు చేస్తున్నాడులే.. అది బాగుంటే వీకెండ్స్ చూద్దాం’ అన్నట్టు ప్రేక్షకులు భావించే వారు. కానీ ‘ఇస్మార్ట్ శంకర్’ తరువాత రామ్ సినిమాలకు కూడా స్టార్ హీరోల సినిమాలకు ఇచ్చే ప్రాముఖ్యత ఇస్తున్నారు ప్రేక్షకులు. ఈ సంక్రాంతికి విడుదలైన ‘రెడ్’ చిత్రానికి టాక్ అంతంత మాత్రంగా వచ్చినప్పటికీ.. 5 రోజుల్లోనే బ్రేక్ ఈవెన్ సాధించి అందరినీ ఆశ్చర్యపరిచింది. దీంతో రామ్ క్రేజ్ పెరిగిందని స్పష్టమవుతుంది.

అయితే రామ్ ఇప్పుడు తన క్రేజ్ ను మరింత పెంచుకోవాలని ట్రై చేస్తున్నాడు. ఏకంగా పాన్ ఇండియా మార్కెట్ పై అతను కన్నేసినట్టు తెలుస్తుంది. విషయం ఏమిటంటే.. తెలుగులో హిట్ అయిన రామ్ ‘రెడ్’ చిత్రం త్వరలోనే తమిళ, మలయాళం, హిందీ భాషల్లో విడుదల కాబోతుందట. తమిళంలో నేరుగా ఓటిటి లో విడుదల కాబోతుంది ‘రెడ్’ చిత్రం. అంతేకాదు హిందీలో కూడా ‘రెడ్’ మూవీ ఫిబ్రవరి మొదటివారం విడుదలకు ముస్తాబవుతోంది. మరి అక్కడ థియేట్రికల్ రిలీజ్ ఇస్తారా లేదా అన్నది తెలియాల్సి ఉంది.

అయితే జనవరి 22న అంటే రేపు మలయాళంలో కూడా ‘రెడ్’ చిత్రం విడుదల కాబోతుందట. ఏకంగా అక్కడ 104 థియేటర్లలో ఈ చిత్రం విడుదల కాబోతుంది. అక్కడ కనుక హిట్ అయితే రామ్ కు మరింత కలిసొచ్చినట్టే అని చెప్పాలి. ఏమైనా రామ్ స్లోగా పాన్ ఇండియా మార్కెట్ ను దక్కించుకోవాలని ప్రయత్నాలు అయితే మొదలుపెట్టినట్టు స్పష్టమవుతుంది.

Most Recommended Video

మాస్టర్ సినిమా రివ్యూ& రేటింగ్!
రెడ్ సినిమా రివ్యూ & రేటింగ్!
క్రాక్ సినిమా రివ్యూ & రేటింగ్!