Red Movie: ‘రెడ్’ టీఆర్ఫీ రేటింగ్ ఎంతంటే..?

ఈ ఏడాది విడుదలైన సంక్రాంతి సినిమాల్లో ‘రెడ్’ ఒకటి. రామ్ నటించిన ఈ సినిమా ప్రేక్షకులను ఆశించిన స్థాయిలో ఆకట్టుకోలేకపోయింది. థియేటర్లలో ఈ సినిమాకి ఏవరేజ్ టాక్ వచ్చింది. కొన్ని ఏరియాల్లో సినిమాకి కనీసపు వసూళ్లు కూడా రాలేదు. ఇప్పుడు బుల్లితెరపై కూడా ఈ సినిమాకి అలాంటి స్పందనే వస్తోంది. వరల్డ్ టెలివిజన్ ప్రీమియర్ కింద జెమినీ ఛానెల్ లో తాజాగా ‘రెడ్’ సినిమాను ప్రసారం చేశారు. అలా తొలిసారి ప్రసారమైన ఈ సినిమాకి కేవలం 5 టీఆర్ఫీ రేటింగ్ మాత్రమే వచ్చింది.

ఇది భారీ రేటింగ్ కాదు. ఓ పెద్ద సినిమా ప్రీమియర్ షోగా టీవీల్లో ప్రసారమైతే.. ఆటోమేటిక్ గా దానికి హయ్యెస్ట్ రేటింగ్స్ వస్తాయి. కానీ ‘రెడ్’ సినిమా కంటే ‘క్రాక్’, ‘సరిలేరు నీకెవ్వరు’ లాంటి సినిమాలు రిపీట్ లో కూడా బాగా పెర్ఫార్మ్ చేశాయి. అలా రామ్ సినిమా అటు థియేటర్లలో, ఇటు టీవీల్లో ఫ్లాప్ అయింది. ‘ఇస్మార్ట్ శంకర్’ లాంటి మాస్ సినిమా తీసిన తరువాత రామ్ అదే మోజులో ‘రెడ్’ సినిమాకి సైన్ చేశారు.

తనకు మాస్ సినిమాలే సూట్ అవుతాయని నమ్మిన రామ్ కి ‘రెడ్’ సినిమా పెద్ద షాక్ ఇచ్చిందనే చెప్పాలి. ఈ సినిమా దెబ్బతో రామ్ కొన్నాళ్లపాటు గ్యాప్ తీసుకున్నాడు. ప్రస్తుతం రామ్.. లింగుస్వామి దర్శకత్వంలో ఓ సినిమా చేయడానికి అంగీకరించాడు. త్వరలోనే ఈ సినిమా రెగ్యులర్ షూటింగ్ మొదలుకానుంది.

Most Recommended Video

‘పవన్ కళ్యాణ్’ హీరోగా రూపొందిన 11 రీమేక్ సినిమాలు మరియు వాటి ఫలితాలు..!
పెళ్లయ్యి కూడా పెళ్లి కానట్టు ఉండే 10 మంది టాలీవుడ్ భామల లిస్ట్..!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!