‘బాహుబలి’ చిత్రంలో శివగామి పాత్ర పోషించి జాతీయ స్థాయిలో తన నటన ఏంటనేది నిరూపించింది రమ్య కృష్ణ. ఇప్పుడు రమ్యకృష్ణగా కన్నా.. శివగామి గానే ఎక్కువ పాపులారిటీ సంపాదించుకుంది. అంతలా ఆ పాత్రలో పరకాయ ప్రవేశం చేసేసిందనే చెప్పాలి. ఇక ‘సోగ్గాడే చిన్ని నాయనా’ ‘హలో’ ‘శైలజా రెడ్డి అల్లుడు’ వంటి చిత్రాల్లో కూడా ముఖ్య పాత్రలో నటించి త ప్రత్యేకతను చాటుకుంది. వచ్చిన ప్రతీ పాత్రనీ చేసేయ్యకుండా కేవలం కథకి ప్రాధాన్యత ఉండే పాత్రలనే ఎంచుకుంటూ వస్తుంది. అయితే ఎవరూ ఊహించని విధంగా.. రమ్యకృష్ణ ఇప్పుడు ఓ చిత్రంలో పార్న్ స్టార్ గా దర్శనమివ్వబోతుందట.
విషయంలోకి వెళితే కోలీవుడ్ లో ‘సూపర్ డీలక్స్’ అనే చిత్రంలో శృంగార తారగా కనిపించడానికి రమ్య కృష్ణ గ్రీన్ సిగ్నల్ ఇచ్చిందట. ఈ చిత్ర నిర్మాతలు అధికారికంగా ఈ విషయాన్ని వెల్లడించారు. సమంత – విజయ్ సేతుపతి జంటగా నటిస్తున్న ఈ ప్రయోగాత్మక చిత్రంలో లీల అనే పోర్న్ స్టార్ పాత్ర కోసం గత కొంత కాలంగా గాలిస్తున్న చిత్ర యూనిట్ ఫైనల్ గా రమ్య కృష్ణను తీసుకున్నారట. ముందుగా ఈ పాత్ర కోసం ‘అత్తారింటికి దారేది’ ఫేమ్ నదియాను సంప్రదించినప్పటికీ … ఆమె రిజెక్ట్ చేయడంతో… రమ్యకృష్ణను సంప్రదించారట. ఇక ఈ పాత్ర గురించి వివరించిన వెంటనే ఏమాత్రం ఆలోచించకుండా దర్శకుడికి ఒకే చెప్పేసిందట. ఇప్పుడు ఈ న్యూస్ వైరల్ గా మారింది. అయితే రమ్య కృష్ణ ఈ పాత్ర ఒప్పుకుందంటే… కచ్చితంగా అది కథకు ప్రాధాన్యత ఉండే పాత్రేననని కొందరు సోషల్ మీడియాలో కామెంట్లు పెడుతున్నారు. మరి ఈ చిత్రంలో రమ్య కృష్ణ పాత్ర ఎలా ఉండబోతుందో చూడాలి..!
