టాలీవుడ్ లో హీరోగా బాలీవుడ్ లో క్యారెక్టర్ ఆర్టిస్ట్ గా కెరీర్ ను ఆరంభించిన హ్యాండ్సమ్ హంక్ రాణా బాబు “బాహుబలి” అనంతరం యమ బిజీ అయిపోయాడు. ప్రస్తుతం తెలుగు, తమిళ, హిందీ భాషల్లో వరుస సినిమాలు చేస్తూ మోస్ట్ పాపులర్ స్టార్ హీరో అయిపోయాడు. దాంతో మనోడికి కమర్షియల్ యాడ్స్ లోనూ అవకాశాలు బాగానే వస్తున్నాయి. మొన్నామధ్య ఓ మొబైల్ కంపెనీకి బ్రాండ్ అంబాసిడర్ గా సైన్ చేసిన రాణా ఇప్పుడు మరో ఆన్ లైన్ యాప్ కోసం ప్రచారకర్తగా మారాడు.
ప్రోడక్ట్ ఎంటనే విషయంలో ఇంకా క్లారిటీ లేదు కానీ.. ఈ యాడ్ లో రాణాతో ప్రకాష్ రాజ్ కూడా కలిసి యాక్ట్ చేశాడు. అయితే.. ఈ యాడ్ షూట్ కోసం రాణా ట్రై చేసిన రెట్రో లుక్ అందర్నీ అమితంగా ఆకర్షిస్తుంది. అసలే మనోడిది ఉంగరాల జుట్టేమో.. 70 దశకంలో హీరోలా భలే ఉన్నాడు భల్లాలదేవుడు. ఇకపోతే.. రాణా నటించిన తాజా చిత్రం “ఘాజి” చిత్రీకరణ పూర్తి చేసుకొని పోస్ట్ ప్రొడక్షన్ కార్యక్రమాలు జరుపుకొంటుండగా.. “బాహుబలి” కోసం చిత్రీకరిస్తున్న ఓ భారీ ఫైట్ సీక్వెస్ లో పాల్గొంటున్నాడు రాణా!
Guess what I played sitting peacefully in my vanity van while shooting for them?#retrolook #NoWorryingWonlyPlaying pic.twitter.com/fh05rQEjSD
— Rana Daggubati (@RanaDaggubati) August 1, 2016
