నానికి జాగ్రత్త చెప్పిన రానా.!!

భలే భలే మగాడివోయ్, కృష్ణగాడి వీర ప్రేమగాథ, జెంటిల్ మాన్ తో హ్యాట్రిక్ హిట్ అందుకున్న నేచురల్ స్టార్ నాని ఈసారి మజ్ను అవతారమెత్తాడు. “మందు తాగడం మాని… ప్రేమించడం మొదలు పెట్టండి” అంటూ సెప్టెంబర్ లో మనముందుకు రాబోతున్నాడు. విరంచి వర్మ దర్శకత్వంలో రూపుదిద్దుకుంటున్న ఈ మూవీ టీజర్ శుక్రవారం విడుదలై ఆకట్టుకుంటోంది.

41 సెకన్ల టీజర్లో హీరో, హీరోయిన్లు పూర్తి కాంట్రాస్ట్ లో కనిపిస్తారు. నాని బాధలో ఉంటే, అనూ ఇమ్మాన్యుయేల్ హ్యాపీగా ఉంటుంది. టీజర్ చివరన నాని నడిపిన రథం పై దగ్గుబాటి రానా స్పందించారు. “ఆ రధాన్ని చూస్తుంటే  బాహుబలి చిత్రంలో నాది(భల్లాల దేవుడు ) లాగ ఉంది. జాగ్రతగా నడుపు” అని ట్విట్టర్ లో సలహా ఇచ్చాడు. రానా పోస్ట్ కి నాని సరదాగా రిప్లై ఇచ్చాడు. “పని పూర్తి అయ్యాక పార్క్ చేసి కీస్ ఇంట్లో ఇచ్చేస్తా” అని నేచురల్ స్టార్ ట్వీట్ చేసాడు.

ఇలా  సినిమాలోనే కాకుండా బయట కూడా పంచ్ లు వేసి అభిమానులను నవ్విస్తున్నాడు. ఆనందీ ఆర్ట్ క్రియేషన్స్ బ్యానర్ పై జెమినీ కిరణ్ నిర్మిస్తున్నఈ మూవీ సెప్టెంబర్ 17న  ప్రేక్షకుల ముందుకు రానుంది.

Looks like yoi have something of Mine in there…careful when u ride it brother!! 😉 Goodluck with the film!! https://t.co/P5paCiLX3f

— Rana Daggubati (@RanaDaggubati) August 12, 2016