తెలుగులో ఇప్పటివరకు చాలా జోనర్ల సినిమాలు వచ్చాయి. అయితే ఎక్కడో చిన్న వెలితి… సూపర్ హీరో కాన్సెప్ట్. హాలీవుడ్లో ఎక్కువగా వచ్చి, బాలీవుడ్లో హృతిక్ రోషన్ చేస్తున్న కాన్సెప్ట్ ఈ సూపర్ హీరో. అక్కడి సినిమా, ఇక్కడి సినిమాలు మన దగ్గర సూపర్ హీరో సినిమాలుగా రావడం తప్ప… మన దగ్గర సూపర్ హీరో అంటూ ఎవరూ లేరు. గతంలో ఒకటి, రెండు ప్రయత్నాలు జరిగినా… పెద్దగా ఓకే అవ్వలేదు. అయితే ఇప్పుడు రానా ఆ పని చేయబోతున్నాడని టాక్.
హాలీవుడ్ సినిమాల స్ఫూర్తితో అప్పట్లో నందమూరి తారకరామారావు ‘సూపర్ మ్యాన్’ పేరుతో ఓ సినిమా చేశారు. అయితే అది అంతగా ఆకట్టుకోలేదు. సీరియస్ సినిమా కాస్త కామెడీ అయిపోయింది. అయితే ఇప్పుడు మన దగ్గర సూపర్ మ్యాన్/హీరో సినిమాలు తీయదగ్గర దర్శకులు చాలామంది ఉన్నారు. కానీ ఆ దిశగా ఆలోచించడం లేదు. అయితే రానా అలాంటి సినిమా చేస్తున్నారట. ‘అయ్యప్పనుమ్ కొషియమ్’ రీమేక్ తర్వాత ఈ సినిమా ఉంటుందట. మరి ఈ సూపర్ హీరో సినిమా తెరకెక్కించేది ఎవరు, ఏ బ్యానర్ లాంటి వివరాలు ఏవీ ఆయన వెల్లడించలేదు.
కానీ సినిమా మాత్రం ఉంటుంది అని చెప్పారు. దీంతో టాలీవుడ్లో ఈ ప్రాజెక్ట్ మీదే ఇప్పుడు చర్చ నడుస్తోంది. అంతటి స్పాన్ ఉన్న సినిమా ఎవరు చేస్తారు… రానాను ఎలా చూపిస్తారు అనేది ఆసక్తికరంగా ఉంది. ఎలగూ ఈ సినిమా పాన్ ఇండియానే ఉంటుంది. సూపర్ హీరో గెటప్లో ఓ సారి రానా కటౌట్ను ఊహించుకోండి.
Most Recommended Video
‘నారప్ప’ మూవీ నుండీ అదిరిపోయే డైలాగులు..!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
వెంకీ చేసిన ఈ 10 రీమేక్స్.. ఒరిజినల్ మూవీస్ కంటే బాగుంటాయి..!
