Rana, Ram Charan : ‘విరాటపర్వం’ ప్రీ రిలీజ్ కు ఎగ్గొట్టిన చరణ్.. రానా ఏమన్నాడంటే?

June 16, 2022 / 11:39 AM ISTByFilmy Focus

Join Us

Rana, Ram Charan : ‘విరాటపర్వం’ ప్రీ రిలీజ్ కు ఎగ్గొట్టిన చరణ్.. రానా ఏమన్నాడంటే?

రానా దగ్గుబాటి హీరోగా సాయి పల్లవి హీరోయిన్ గా ‘నీదీ నాదీ ఒకే కథ’ ఫేమ్ వేణు ఊడుగుల దర్శకత్వంలో తెరకెక్కిన చిత్రం ‘విరాటపర్వం’. డి. సురేష్ బాబు సమర్పణలో ఎస్.ఎల్.వి. సినిమాస్ బ్యానర్ పై సుధాకర్ చెరుకూరి నిర్మిస్తున్న ఈ చిత్రం జూన్ 17న ప్రపంచవ్యాప్తంగా విడుదల కాబోతుంది. దీంతో ప్రమోషన్లలో భాగంగా ఏర్పాటు చేసిన ప్రీ రిలీజ్ వేడుకకు విక్టరీ వెంకటేష్ తో పాటు రానా బెస్ట్ ఫ్రెండ్ అయిన స్టార్ హీరో రాంచరణ్ కూడా హాజరు కాబోతున్నారు అని అధికారిక ప్రకటన వచ్చింది.

కానీ ఈ వేడుకకు రాంచరణ్ హాజరు కాలేదు. దీంతో అభిమానులు పెద్ద ఎత్తున అరుస్తూ తమ అసహనాన్ని వ్యక్తం చేశారు. ఈ విషయం పై రానా వెంటనే స్పందించి క్లారిటీ ఇచ్చాడు. రాంచరణ్ ఫ్లైట్ మిస్ అవ్వడం వలన ఈ వేడుకకు రాలేకపోయాను అని చెప్పినట్టు రానా తెలిపాడు. అలాగే చరణ్ తరపున తాను క్షమాపణలు కోరుతున్నట్టు కూడా చెప్పుకొచ్చాడు రానా. రాంచరణ్ తన 10వ పెళ్లిరోజు సందర్భంగా ఇటలీ వెళ్లిన సంగతి తెలిసిందే.

అక్కడ తన భార్య ఉపాసనతో కలిసి దిగిన ఫొటోలను కూడా తన ఇన్స్టాగ్రామ్ లో షేర్ చేస్తూ వచ్చాడు. రాంచరణ్ కనుక ఈ వేడుకకు హాజరయ్యి ఉంటే.. ‘విరాటపర్వం’ సినిమాకు మరింత ప్లస్ అయ్యి ఉండేది. అలాగే ‘మా బాబాయ్‌ కి ఫ్యాన్స్‌ ఉన్నారని తెలుసు… కానీ నాకు కూడా ఉన్నారు అని నేను ఎప్పుడూ అనుకోలేదు.

‘విరాటపర్వం’ ఒప్పుకున్నప్పుడు నాకు కూడా అభిమానులు ఉన్నారు అని తెలిసింది. ఇలాంటి ప్రయోగాత్మక సినిమాలు చేయొద్దని నాతో అన్నారు. నటుడిగా ఇది నా చివరి ప్రయోగాత్మక చిత్రం. ఇకపై మీకోసం సినిమాలు చేస్తా.. పిచ్చెక్కిచ్చేద్దాం’’ అంటూ రానా చెప్పుకొచ్చారు.