మెగా పవర్ స్టార్ రామ్ చరణ్, సుకుమార్ దర్శకత్వంలో తెరకెక్కిన రంగస్థలం ఈరోజు రిలీజ్ అయి సూపర్ హిట్ టాక్ సొంతం చేసుకుంది. నిన్న అమెరికాలో ప్రీమియర్ షోలు చూసిన ప్రేక్షకులు బాగుందని చెప్పడంతో మెగా అభిమానులు సంబరాలు చేసుకుంటున్నారు. రెండు తెలుగు రాష్ట్రాల్లో అన్ని ప్రాంతాల నుంచి పాజిటివ్ టాక్ వస్తోంది.ఇందులో అనసూయ రంగమ్మత్తగా స్పెషల్ రోల్ చేసింది. పిల్లల తల్లి అయినప్పటికీ యువతిగా అనేక సినిమాల్లో అలరించిన అనసూయ తొలిసారి ఇందులో అత్త పాత్రలో మెప్పించింది.
ఈ సినిమాని అనసూయ తన స్నేహితుల కోసం స్పెషల్ షో వేయించినట్లు తెలిసింది. జబర్దస్త్, ఎక్స్ ట్రా జబర్దస్త్, డీ.. మల్లెమాల ప్రొడక్షన్ టీమ్ అండ్ ఆర్టిస్ట్స్ కోసం ప్రసాద్ ల్యాబ్స్ లో ఈరోజు ఉదయం 11 గంటలకు రంగస్థలం ప్రదర్శించారు. దాదాపు 70 మంది కి పైగా ఈ షోకి హాజరయ్యారు. ఈ సినిమాతో అనసూయ కెరీర్ మలుపు తిరుగుతుందని సుకుమార్ చెప్పినట్లుగా.. రామ్ చరణ్, సమంతల మాత్రమే కాకుండా అనసూయకి గుర్తుండి పోయే చిత్రంగా నిలిచింది.
Home