బాలీవుడ్ బ్యూటీ దీపికా పదుకోన్ ఇటీవల అస్వస్థతకు గురికావడంతో ఆమెని హాస్పిటల్ లో చేర్పించారు. ప్రస్తుతం ఆమె ఆరోగ్యం మెరుగుపడింది. రీసెంట్ గా ఎయిర్ పోర్ట్ లో కనిపించింది దీపికా. ఇదిలా ఉండగా.. ఆమె వైవాహిక జీవితానికి సంబంధించిన ఒక వార్త సోషల్ మీడియాలో చర్చనీయాంశంగా మారింది. దీపికా.. ఆమె భర్త రణవీర్ సింగ్ ల మధ్య గొడవలు జరుగుతున్నాయని వార్తలు చక్కర్లు కొడుతున్నాయి .వీటిపై పరోక్షంగా స్పందించారు రణవీర్ సింగ్. ఇటీవల జరిగిన ఓ కార్యక్రమంలో పాల్గొన్న రణవీర్..
దీపికాతో విభేదాలపై వస్తున్న రూమర్స్ పై క్లారిటీ ఇచ్చారు. తామిద్దరం 2012లో డేటింగ్ చేయడం మొదలుపెట్టామని.. తమ ప్రేమకి పదేళ్లు పూర్తయ్యాయని చెప్పారు. దీపికా అంటే తనకు చాలా గౌరవమని.. ఎప్పటికీ ప్రేమిస్తూనే ఉంటానని చెప్పుకొచ్చారు. అలానే ఫ్యాన్స్ అందరికీ త్వరలోనే ఒక సర్ప్రైజ్ ఉందని.. త్వరలో తమను కలిసి చూస్తారని అన్నారు. దీపికా, రణవీర్ కలిసి సినిమా చేస్తున్నట్లుగా హిట్ ఇచ్చారు రణవీర్ సింగ్. దీపికా తన జీవితంలోకి వచ్చినందుకు చాలా సంతోషంగా ఉన్నానంటూ తెలిపారు.
వ్యక్తిగతంగా దీపికా నుంచి చాలా నేర్చుకున్నానని అన్నారు. 2012 నుంచి ప్రేమలో ఉన్న ఈ జంట.. ఆరేళ్ల డేటింగ్ తరువాత 2018లో వివాహం చేసుకున్నారు. ప్రస్తుతం వీరిద్దరూ తమ ప్రాజెక్ట్స్ తో బిజీగా ఉన్నారు. దీపికా.. ‘పఠాన్’, ‘ఫైటర్’, ‘ప్రాజెక్ట్ K’ వంటి సినిమాల్లో నటిస్తుంది. మరోపక్క రణవీర్ సింగ్ ‘సర్కస్’, ‘రాకీ ఔర్ రాణికి ప్రేమ్ కహానీ’ వంటి సినిమాల్లో నటిస్తున్నారు.
Most Recommended Video
అల్లూరి సినిమా రివ్యూ & రేటింగ్!
‘బిగ్ బాస్ 6’ కంటెస్టెంట్ ఇనయ సుల్తానా గురించి ఆసక్తికర విషయాలు..!
‘బిగ్ బాస్6’ కంటెస్టెంట్ అభినయ శ్రీ గురించి 10 ఆసక్తికరమైన విషయాలు..!
